لارڈز کے تاریخی میدان میں گزشتہ دنوں بھارتی ویمن ٹیم نے انگلینڈ کو شکست دے کر سیریز اپنے نام کی لیکن بھارتی بولر دیپتی شرما کا ’منکڈ رن آؤٹ’ اس وقت موضوع بحث بن گیا جب انگلش کھلاڑی چارلی ڈین میدان میں ہی آبدیدہ ہوگئیں۔
انگلینڈ ویمن ٹیم کو تیسرے میچ میں جیت کے لیے 39 گیندوں پر 17 رنز درکار تھے اور ان کی ایک ہی وکٹ باقی تھی ایسے میں بھارتی کھلاڑی دیپتی شرما نے چارلی ڈین کو نان اسٹرائیکر اینڈ پر رن آؤٹ کیا جو اپنی کریز سے کافی دور تھیں۔
منکڈ کا فیصلہ تھرڈ امپائر کے پاس پہنچا جس میں انہیں آؤٹ قرار دیا گیا اور بھارت نے انگلش ٹیم کو ہوم گراؤنڈ پر 20 سال بعد وائٹ واش کیا لیکن دیپتی شرما کے اس طرح آؤٹ کرنے پر چارلی ڈین بلا زمین پر پھینک کر زارو قطار رونے لگیں۔
View this post on Instagram
بھارتی ٹیم میدان میں جیت کا جشن منانے میں مصروف ہوگئی تو دوسری طرف انگلش شائقین نے اس پر ناپسندیدگی کا اظہار کیا۔
بھارتی کھلاڑی کے اس طرح آؤٹ کرنے پر سابق انگلش کرکٹرز بھی بھڑک اٹھے اور انہوں نے اسے ‘ان فیئر پلے’ قرار دیا۔
اب اس معاملے پر انگلش ٹیم کے آل راؤنڈر معین علی کا بیان بھی سامنے آگیا ہے۔
انہوں نے کہا کہ ’مجھے نہیں لگتا کہ میں یہ کبھی کروں گا جب تک کہ میں واقعی میں کسی سے ناراض نہ ہوں جبکہ اس طرح رن آؤٹ کرنا لیگل ہے پھر بھی میں نہیں چاہتا ہے کہ یہ عام ہوجائے اور سب ہی ’منکڈ‘ کرنے لگیں۔