خیبرپختونخوا کا مقام دیربالا پی ٹی آئی کارکنان اور پولیس کی جھڑپ کے باعث میدان جنگ بن گیا۔
اے آر وائی نیوز کے مطابق دیربالا میں پولیس اور پی ٹی آئی کارکنان میں جھڑپ ہوئی جس کے نتیجے میں گولیاں لگنے سے ایک پی ٹی آئی کارکن اور پولیس اہلکار زخمی ہوگیا۔
زخمیوں کو دیر اسپتال منتقل کردیا گیا، ہنگامے کے باوجود پی ٹی آئی کا ورکرز کنونشن جاری رہا۔
- Advertisement -
انتظامیہ کا کہنا ہے کہ ضلع میں دفعہ ایک سوچوالیس نافذ ہے، ہرقسم کی سیاسی سرگرمیوں پر پابندی ہے۔
انتظامیہ کے مطابق داخلی اورخارجی راستوں پولیس کی بھاری نفری تعینات ہے، کسی جلسے اور ریلی کی اجازت نہیں ہے۔
دوسری جانب زخمی ہونے والے پی ٹی آئی کارکن نے بتایا پولیس نے سیدھی فائرنگ کی اسے تین گولیاں لگیں، پولیس کو فائرنگ کی اجازت کس نے دی تھی۔
