تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

ہندو برادری اپنا سب سے بڑا مذہبی تہوار دیوالی آج منارہی ہے

اسلام آباد : ہندو برادری اپنا سب سے بڑا مذہبی تہوار دیوالی آج منارہی ہے، اس سلسلے میں مختلف شہروں میں تقاریب کا اہتمام کیا گیا، شرکا نے اپنے اپنے اندازمیں دیوالی کے تہوار پرخوشی کے پیغامات دیئے۔

تفصیلات کے مطابق پاکستان کی ہندو برادری کے مذہبی تہواردیوالی کو سرکاری سطح پر منانے کے لئے اسلام آباد میں پاکستان نیشنل کونسل آف آرٹس میں دیوالی کی خوشیوں سے بھرپور تقریب سجائی گئی۔

تقریب میں آرتی کی رسم کے انداز کو پیش کیا گیا، رام کرشن اور رادھا کے رشتے کو بھی تقریب میں پیش کیا گیا جسے تقریب کےشرکاء نے خوب سراہا۔

دیوالی کے موقع پر شرکاء نے تقریب کے انعقاد پر خوشی کا اظہار کیا اور اپنے اپنے انداز میں دیوالی کی تہوار پرخوشی کے پیغامات دیئے۔ دیوالی کی تقریب میں سیاسی سماجی شخصیات اور ہندوبراردی سےتعلق رکھنے والےافراد کی بڑی تعداد نےشرکت کی۔

دیوالی ایک ہندو مذہبی تہوار ہے ہر سال نومبر کے مہینے میں منایا جاتا ہے، اسے روشنیوں کا تہوار یا خوش قسمتی کا تہوار بھی کہا جاتا ہے، اس لیے لوگ اس روز دیے جلاتے ہیں۔

دیوالی کرشن بھگوان کے چودہ سال بن باس کاٹنے کے بعد واپسی کی خوشی میں منائی جاتی ہے۔ اس دن ہندو برادری لکشمی پوجا کرتی ہے اور دعائیں مانگتی ہے۔ کاروباری افراد دیوالی کے دن سے نئے کاروبار کی شروعات کو ترجیح دیتے ہیں۔

پانچ روز تک جاری رہنے والا یہ تہوار ہندو ازم، جین ازم، سکھ ازم میں یکساں اہمیت کا حامل ہے، ہندو روایات کے مطابق اس دن کو دولت کی دیوی لکشمی سے بھی منسوب کیا جاتا ہے۔

اس تہوار میں ہندو افراد گھروں کی سجاوٹ کرتے ہیں مٹھائیاں اور کھانے بناتے ہیں۔ ہندو برادری پوجا پاٹ کے بعد پٹاخے اور پھلجزڑیاں جلا کر دیوالی کی خوشیاں مناتے ہیں۔

ہندو برادری مذہبی تہوار جوش و خروش سے منانے میں مصروف ہیں۔ مندروں کو خوبصورتی سے سجایا گیا ہے۔ خصوصی پوجا اور دیئے جلانے کا اہتمام کیا گیا ہے۔

Comments

- Advertisement -