وفاقی وزیر داخلہ رانا ثنا اللہ نے کہا ہے کہ شیخ رشید کی گرفتاری میں حکومت کا کوئی تعلق نہیں ہے سیاسی مسخرہ اسے سیاسی رنگ دینے کی کوشش کر رہا ہے۔
اے آر وائی نیوز کے مطابق سینیئر سیاستدان اور سابق وفاقی وزیر شیخ رشید کی گرفتاری پر وفاقی وزیر داخلہ رانا ثنا اللہ نے سماجی رابطوں کی ویب سائٹ ٹوئٹر اپنے ردعمل کا اظہار کیا ہے اور اس حوالے سے کئی ٹوئٹس کی ہیں۔
رانا ثنا اللہ نے اپنے ایک ٹوئٹ میں کہا ہے کہ شیخ رشید کی گرفتاری میں حکومت کا کوئی تعلق نہیں۔ سیاسی مسخرہ اسے سیاسی رنگ دینے کی کوشش کر رہا ہے۔ شیخ رشید کیخلاف قانونی کارروائی ہورہی ہے 15 کلوہیروئن نہیں ڈالی۔
وزیر داخلہ نے کہا کہ صرف قانون پر عمل ہوا ہے، پسلیاں تو نہیں تڑوائیں۔ میڈیا کے سامنے پولیس کو دھکے دینے والا مار پیٹ کا جھوٹ بول رہا ہے۔
قانونی کارروائی ہورہی ہے ، 15 کلوہیروئن نہیں ڈالی اور حکومت کاکوئی تعلق نہیں، سیاسی مسخرہ سیاسی رنگ دینے کی کوشش کررہا ہے۔ صرف قانون پر عمل ہوا ہے، پسلیاں تو نہیں تڑوائیں؟ میڈیا کے سامنے پولیس والوں کو دھکے دینے والامارپیٹ کرنے کا جھوٹ بول رہا ہے۔
(1/4)
— Rana SanaUllah Khan (@RanaSanaullahPK) February 2, 2023
وفاقی وزیر نے اپنے ایک اور ٹوئٹ میں لکھا کہ قانون کے نیچے لاؤں گا کا ڈائیلاگ بولنے والا آج قانون سے کیوں ڈرتا ہے؟ قانون کی خلاف ورزی پر قانونی کارروائی کرنا پولیس کا فرض ہے۔
انہوں نے مزید کہا کہ طیبہ گل کی طرح اغواکیا ہے نہ بشیر میمن کی طرح واش روم میں بند۔ آپ نے کوئی خلاف قانون کام نہیں کیا ہے تو عدالت کو بتا دیں۔
رانا ثنا اللہ نے اسی حوالے سے ایک اور ٹویٹ میں کہا کہ قانون کے سامنے سب برابر ہیں، قانون توڑنے پر جواب تو دینا پڑے گا۔ قتل، ہشتگرد تنظیموں سے رابطے کا سنگین الزام لگانے والے قانون کا سامنا کریں۔
قانون کے سامنے سب برابر ہیں، قانون توڑنے پر جواب تو دینا پڑے گا۔ قتل اور ہشت گرد تنظیموں سے رابطے ہونے کا الزام سنگین الزام لگانے والے قانون کا سامنا کریں۔
(3/4)
— Rana SanaUllah Khan (@RanaSanaullahPK) February 2, 2023
وفاقی وزیر داخلہ نے مزید ایک ٹویٹ کرتے ہوئے کہا کہ عمران خان نے سیاسی مخالفین، صحافیوں کو جیلوں میں ڈالا، جھوٹے مقدمے بنوائے۔ گزشتہ 4 سال کے سیاہ دور میں صحافیوں کو گولیاں دی گئیں اور پسلیاں توڑی گئیں۔
رانا ثنا اللہ کا کہنا تھا کہ یہ ہر اس ادارے کو گالیاں دیتے ہیں جو ان سے جواب مانگے۔ آج باس اور چپڑاسی دونوں کی قانون کا سامنا کرنے سے ہوا نکلی ہوئی ہے۔
عمران نے سیاسی مخالفین، سچ بولنے والے صحافیوں کو جیلوں میں ڈالا، جھوٹے مقدمے بنوائے۔ گزشتہ 4 سال کےسیاہ دور میں صحافیوں کو گولیاں ماری گئیں، پسلیاں توڑی گئیں، باس اور چپڑاسی دونوں کی قانون کا سامنا کرنے سےہوا نکلی ہوئی ہے، یہ ہراُس ادارےکو گالیاں دیتے ہیں جو اِن سے جواب مانگے۔ (4
— Rana SanaUllah Khan (@RanaSanaullahPK) February 2, 2023