اسلام آباد : پاکستان اور چین کے درمیان وفود کی سطح پر مذاکرات میں پاک چین اسٹریٹجک تعلقات، باہمی تعاون اور سی پیک سمیت باہمی دلچسپی کے معاملات زیر غور آئے۔
تفصیلات کے مطابق وزیرخارجہ بلاول بھٹو اور چینی ہم منصب چن گانگ کی ون آن ون ملاقات کے بعد پاکستان اورچین کے درمیان وفود کی سطح پر بات چیت کا آغاز ہوا۔
اسٹریٹجک مذاکرات میں وزیرخارجہ بلاول بھٹو اورچینی وزیرخارجہ چن گانگ نے اپنے اپنے وفود کی سربراہی کی۔
مذکرات میں پاک چین اسٹریٹجک تعلقات،باہمی تعاون،سی پیک سمیت باہمی دلچسپی کےمعاملات زیرغور آئے۔
یاد رہے چینی وزیرخارجہ چن گینگ پاکستانی دفترخارجہ پہنچے تو بلاول بھٹو زرداری نے ان کا استقبال کیا، اس موقع پر وزیرمملکت خارجہ حنا ربانی کھر بھی موجود تھی۔
جس کے بعد پاکستان اور چینی وزرائےخارجہ کے درمیان ملاقات ہوئی ، ملاقات میں پاک چین تعلقات اور سی پیک سمیت باہمی دلچسپی کے امور پر تبادلہ خیال کیا گیا۔
