اسلام آباد: عمان کے پارلیمانی وفد نے مجلس شوریٰ کے چیئرمین شیخ خالد بن ہلال کی قیادت میں وزیر اعظم عمران خان سے ملاقات کی، ملاقات میں مقبوضہ کشمیر سمیت مختلف موضوعات پر گفتگو کی گئی۔
تفصیلات کے مطابق وزیر اعظم عمران خان سے عمان کے پارلیمانی وفد کی ملاقات ہوئی۔ وفد کی قیادت مجلس شوریٰ کے چیئرمین شیخ خالد بن ہلال نے کی۔
وزیر اعظم نے وفد کو مقبوضہ کشمیر میں بھارتی جارحیت سے آگاہ کیا، بھارتی فورسز کی جانب سے نہتے کشمیریوں پر ڈھائے جانے والے مظالم پر بھی بات چیت ہوئی۔
دونوں ممالک کے وفود کے درمیان باہمی تعلقات اور تجارت کے فروغ پر بھی بات چیت ہوئی جبکہ مختلف شعبوں میں دو طرفہ تعاون بڑھانے پر بھی اتفاق ہوا۔
A parliamentary delegation of Oman headed by Chairman Majles Al Shura Sheikh Khalid Bin Hilal Al Maawali called on Prime Minister Imran Khan in Islamabad today. pic.twitter.com/M6q5fmRInn
— Govt of Pakistan (@pid_gov) September 5, 2019
The Prime Minister apprised the visiting delegation about the plight of Kashmiris in Indian Occupied Kashmir and the atrocities being committed against the innocent Kashmiri Muslims by the Indian forces. pic.twitter.com/MMWJmVu2Yd
— Govt of Pakistan (@pid_gov) September 5, 2019
بعد ازاں عمان کا وفد وزارت خارجہ پہنچا جہاں وزیر خارجہ شاہ محمود قریشی سے ان کی ملاقات ہوئی۔ ملاقات میں دو طرفہ تعلقات اور مقبوضہ کشمیر کی صورتحال کے امور پر تبادلہ خیال کیا گیا۔
ملاقات میں پاک عمان جغرافیائی قربت کے پیش نظر اقتصادی تعاون کے فروغ پر اتفاق کیا گیا۔ اس موقع پر وزیر خارجہ شاہ محمود قریشی کا کہنا تھا کہ اقتصادی روابط سے تعاون کو نئی بلندیوں پر لے جا سکتے ہیں۔ دونوں ممالک کے نکتہ نظر میں مماثلت پائی جاتی ہے۔
عمانی وفد کی جانب سے کہا گیا کہ پاکستان وسط ایشیا تک رسائی کے لیے گیٹ وے کی حیثیت رکھتا ہے۔ شاہ محمود قریشی نے کہا کہ جے ایم سی میں طے اہداف کو جلد مکمل کر لیا جائے گا۔
وزیر خارجہ نے وفد کو مقبوضہ کشمیر کی تشویشناک صورتحال سے بھی آگاہ کیا۔ انہوں نے کہا کہ نہتے کشمیروں کو کرفیو سے یرغمال بنا کر رکھا گیا ہے۔
