نئی دہلی: بی جے پی نے نئی دہلی سے عام آدمی پارٹی کی حکمرانی ختم کر دی۔
تفصیلات کے مطابق نئی دہلی میں بھی اب مودی سرکار چلے گی، ابتدائی نتائج کے مطابق بی جے پی نے 70 نشستوں میں سے 47 حاصل کر لی ہیں۔
نئی دہلی پر گزشتہ 10 برس سے راج کرنے والی عام آدمی پارٹی (آپ) کو بڑا دھچکا لگا ہے، اور وہ 23 سیٹوں کے ساتھ دوسرے نمبر پر آئی ہے، 3 بار وزیر اعلیٰ رہنے والے اروند کیجریوال کو شکست کا سامنا کرنا پڑا ہے تاہم انھوں نے اپنی نشست جیت لی ہے۔
کانگریس کوئی نشست نہیں جیت سکی ہے، یاد رہے کہ 5 فروری کو نئی دہلی میں ریاستی اسمبلی کے لیے ووٹنگ ہوئی تھی جس کا ٹرن آوٹ 60 فی صد رہا تھا۔
گوتم اڈانی کا بیٹے کی شادی پر کروڑوں روپے عطیہ کرنے کا اعلان
بھارتیہ جنتا پارٹی (بی جے پی) نے دہلی اسمبلی انتخابات میں فیصلہ کن کامیابی حاصل کرنے کے لیے 27 سالہ طویل انتظار کیا، اور اخرکار اس انتظار کا خاتمہ ہو گیا ہے، یہ جیت عام آدمی پارٹی کے زوال کی بھی نشان دہی کرتی ہے، جس نے ایک دہائی سے زیادہ عرصے تک دہلی پر حکومت کی۔
بی جے پی پچھلے انتخابات میں AAP کے مقابلے میں تقریباً 15 فی صد ووٹوں سے پیچھے رہی تھی، ایک دہائی سے زیادہ عرصے تک ’آپ‘ کو دہلی کے غریبوں کی غیر متزلزل حمایت حاصل رہی، خاص طور پر کچی آبادیوں میں مفت بجلی اور پانی کی اسکیموں کی بدولت۔
تاہم اس بار مودی سرکار کی پارٹی نے کچی آبادیوں کے لیے پکے مکان کے وعدے کیے اور مفت سہولیات جاری رکھنے کی یقین دہانی کرائی، جس نے بی جے پی کو عام آدمی پارٹی کے گڑھ میں اسے شکست دی۔ دہلی کے 13 فی صد مسلم ووٹروں نے روایتی طور پر ’آپ‘ کی حمایت کی، لیکن یہ ووٹ بھی اسے نہیں بچا سکی۔
