پیر, جولائی 7, 2025
اشتہار

پولیس نے ٹریفک قوانین سے آگاہی کیلیے فلموں کا سہارا لے لیا

اشتہار

حیرت انگیز

بھارت میں پولیس نے شہریوں کو ٹریفک قوانین کے احترام کی تلقین کے لیے بالی وڈ فلموں اور ان کے مشہور ڈائلاگز کا سہارا لینے شروع کر دیا۔

سماجی رابطے کی ویب سائٹ ٹوئٹر پر دہلی پولیس نے اپنے آفیشل اکاؤنٹ سے لکھا کہ ”جب ویر نے زارا کے لیے 22 سال کا انتظار کیا تو آپ بھی ٹریفک سگنل کی سرخ لائٹ پر کچھ سیکنڈز انتظار کر سکتے ہیں“۔

ایک ٹوئٹ میں دہلی پولیس نے اداکار رنبیر کپور کی کسی فلم کا اسکرین شارٹ شیئر کیا جس میں وہ ایشا نامی لڑکی کو بتا رہے ہیں کہ ”مجھے آگ سے نہیں بلکہ بغیر ہیلمٹ موٹر سائیکل چلانے سے ڈر لگاتا ہے“۔

اکاؤنٹ سے مشہور ویڈیو گیم جی ٹی اے کا ویڈیو کلپ شیئر کیا گیا جس میں کھلاڑی بے احتیاطی سے گاڑی چلا رہا ہے۔

ویڈیو کلت کے کیپشن میں لکھا گیا کہ ”زندگی جی ٹی اے گیم کی طرح نہیں، ایسے گاڑی مت چلائیں جیسے آپ کے پاس ایک سے زیادہ زندگیاں ہوں“۔

شہری یہ سب دیکھ کر ٹریفک قوانین کی پاسداری کریں گے یا نہیں، اس بارے میں تو کچھ نہیں کہا جا سکتا مگر ٹوئٹر صارفین کے لیے یہ ٹوئٹس میمز بن گئے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں