The news is by your side.

Advertisement

پاکستان میں جمہوریت مضبوط اورمستحکم ہے، ملیحہ لودھی

اقوام متحدہ میں پاکستان کی مستقل مندوب ملیحہ لودھی نے کہاہے کہ پاکستان میں جمہوریت مضبوط اورمستحکم ہے، ان کا یہ بھی کہناتھا کہ قومی اتفاق رائے پایا جا تا ہےکہ ملک کامستقبل جمہوریت میں ہے ۔

اقوام متحدہ میں پاکستانی مندوب ملیحہ لودھی نے امریکی وار کالج میں خطاب کرتے ہوئے کہا کہ پاکستان میں دہشت گردوں کیخلاف بڑا آپریشن جاری ہے،جامع حکمت عملی سے دہشت گردوں کا مکمل خاتمہ کیا جارہا ہے۔

ملیحہ لودھی کا کہنا تھا کہ پاک فوج جمہوریت کیلئے اتفاق رائے کا حصہ ہے ۔پاکستان میں عدلیہ آزاد ہے میڈیامتحرک اورجمہوری ادارے مضبوط ہیں۔پاک بھارت تعلقات پر ملیحہ لودھی کا کہنا تھا کہ پاکستان بھارت سے وسیع البنیاد مذاکرات کا حامی ہے۔

افغانستان سے متعلق بات کرتےہوئے ملیحہ لودھی نے افغانستان میں امن کو خطے اور پاکستان میں استحکام کے لیے ناگزیر قرار دیا۔ملیحہ لودھی کا کہنا تھا کہ پاکستان افغان مفاہمتی عمل میں کرداراداکرنے کیلئے تیار ہے،علاقائی روابط کا فروغ پاکستان کی ترجیحات میں شامل ہے۔

Print Friendly, PDF & Email

Comments

comments

یہ بھی پڑھیں