The news is by your side.

سیلابی پانی میں ڈینگی وائرس پنپنے لگا، پنجاب میں کیسز رپورٹ

لاہور: صوبہ پنجاب میں سیلابی پانی میں ڈینگی وائرس سر اٹھانے لگا، صوبے بھر میں ایک روز میں 20 سے زائد ڈینگی کیسز رپورٹ ہوئے۔

تفصیلات کے مطابق سیکریٹری صحت پنجاب کا کہنا ہے کہ صوبہ پنجاب میں گزشتہ 24 گھنٹے کے دوران ڈینگی کے 32 مریض رپورٹ کیے گئے، راولپنڈی سے 15، لاہور سے 11، ملتان، خانیوال، بہاولپور، میانوالی، راجن پور اور جہلم سے 1، 1 کیس رپورٹ کیا گیا۔

محکمہ صحت کا کہنا ہے کہ صوبے میں انسداد ڈینگی کی کوششیں جاری ہیں، گزشتہ روز لاہور میں 283 مقامات سے ڈینگی لاروا تلف کیا گیا۔

سیکریٹری صحت کے مطابق رواں سال پنجاب میں ڈینگی کے 1 ہزار 34 مریض رپورٹ ہوچکے ہیں، صرف لاہور سے ڈینگی کے کل 441 کیسز سامنے آئے۔

محکمہ صحت کا کہنا ہے کہ رواں سال صوبے میں ڈینگی سے 3 اموات ہوچکی ہیں۔

Comments

یہ بھی پڑھیں