لاہور: صوبہ پنجاب میں ڈینگی کے دو نئے مریض سامنے آ گئے ہیں، جن میں سے ایک فیصل آباد اور دوسرا گجرات میں رپورٹ ہوا۔
تفصیلات کے مطابق سیکریٹری ہیلتھ علی جان نے بتایا کہ گزشتہ روز صوبے بھر میں ڈینگی کے 2 نئے مریض سامنے آئے ہیں، اور نئے سال کے دوران پنجاب میں اب تک ڈینگی کے 13 مریضوں کی تصدیق ہوئی ہے۔
سیکریٹری ہیلتھ کے مطابق گزشتہ 24 گھنٹوں کے دوران فیصل آباد میں ڈینگی کا ایک نیا مریض رپورٹ ہوا، جس سے رواں ماہ کے دوران فیصل آباد میں ڈینگی مریضوں کی تعداد 2 ہو گئی۔
- Advertisement -
گزشتہ 24 گھنٹوں کے دوران گجرات میں بھی ڈینگی کا ایک نیا مریض رپورٹ ہوا، ڈینگی کے ایک مریض کا تعلق راولپنڈی سے ہے۔
سیکریٹری ہیلتھ کے مطابق پنجاب کے اسپتالوں میں اس وقت ڈینگی کے 7 مریض زیر علاج ہیں، رواں ماہ کے دوران لاہور میں بھی ڈینگی کے مریضوں کی تعداد 9 ہو گئی ہے۔
