کراچی / راولپنڈی / ملتان : ملک بھر میں ڈینگی وائرس بے قابو ہوگیا۔ راولپنڈی میں چوبیس گھنٹےکے دوران ستر سے زائد مریضوں میں ڈینگی بخار کی تصدیق ہوگئی، جبکہ ملتان میں بھی پچیس مریض سامنے آگئے،۔
محکمہ صحت پنجاب کی کارگردگی کا پول ڈینگی مچھر کے وار نے کھول کر رکھ دیا۔ روالپنڈی میں ڈینگی بخار کے مریضوں سے اسپتال بھر گئے ہیں۔
چوبیس گھنٹے میں ستر سے زائد افراد میں ڈینگی وائرس کی تصدیق ہوچکی ہے جبکہ کل تعداد تئیس سو کے قریب جا پہنچی ہے۔
ملتان میں بھی حالات مختلف نہیں ڈینگی مریضوں کی تعداد دوسو سے تجاوز کرگئی ہے جبکہ یہاں بھی چوبیس گھنٹے میں پچیس کیسز سامنےآ ئے۔
لاہور میں اکیس سے زائد افراد کو ڈٰینگی مچھر نے اپنا شکار بنا لیا ہے، محکمہ صحت کے مطابق رواں سال اب تک ڈینگی سے چار ہلاکتیں ہوئی ہیں۔ ان میں سے تین کا تعلق راولپنڈی اور ایک کا ملتان سے ہے۔
