اسلام آباد: ملک میں ڈیپارٹمنٹل کرکٹ کی بحالی کے سلسلے میں وزیر اعظم شہباز شریف کے نوٹس لینے پر حکومت نے بڑا قدم اٹھاتے ہوئے پاکستان کرکٹ بورڈ کے 2014 کا آئین بحال کرنے کا اصولی فیصلہ کر لیا ہے۔
تفصیلات کے مطابق وزارت بین الصوباٸی رابطہ کو کرکٹ بورڈ کا پرانا آٸین بحال کرنے کا ٹاسک مل گیا، پی سی بی کا 2014 کا آٸین بحال کرنے کے لیے وزارت تمام اقدامات کرے گی۔
کرکٹ بورڈ کا آٸین تبدل کیے بغیر ڈیپارٹمنٹل کرکٹ کی بحالی ممکن نہیں ہے، تاہم ذرائع کا کہنا ہے کہ کرکٹ بورڈ کے موجودہ آٸین میں ترامیم کرنے سے بہتر ہے کہ پرانا آٸین بحال کیا جائے۔
عمران خان کے دور میں کرکٹ بورڈ کا نیا آٸین منظور کیا گیا تھا، پی سی بی نے نٸے آٸین کے تحت ڈیپارٹمنٹل فرسٹ کلاس کرکٹ ختم کر دی تھی۔
ذرائع کے مطابق پرانے آئین کی بحالی کے فیصلے سے پی سی بی گورننگ بورڈ میں اصل اسٹیک ہولڈرز شامل ہو جاٸیں گے، پرانے آئین کی بحالی سے کرکٹ کا داٸرہ کار بھی وسیع ہوگا۔
یاد رہے کہ عمران خان نے ڈیپارٹمنٹل کرکٹ کی بحالی کے لیے قومی کرکٹرز کی اپیل کو بھی مسترد کر دیا تھا۔
