تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

کراچی میں اومیکرون کے پھیلاؤ کا خدشہ ، اجتماعات اور تقریبات پر مکمل پابندی عائد

کراچی : ڈپٹی کمشنر ضلع شرقی نے اومی کرون وائرس کے پھیلاؤ کے خدشے کے پیش نظر متاثرہ علاقوں میں اجتماعات اور تقریبات پر مکمل پابندی عائد کردی۔

تفصیلات کے مطابق گلشن اقبال بلاک 7 میں اومی کرون وائرس کے 11 کیسز رپورٹ ہونے کے بعد ڈپٹی کمشنر ضلع شرقی نے گلشن اقبال میں مائیکرواسمارٹ لاک ڈاؤن لگا دیا اور اس حوالے سے نوٹی فکیشن جاری کردیا۔

نوٹی فکیشن میں کہا گیا کہ لاک ڈاؤن ہاٹ اسپاٹ علاقوں میں لگایا گیا ہے، گلشن اقبال بلاک7میں اومی کرون ویرینٹ کیسزکی تشخیص ہوئی ، جس کے پیش نظر متاثرہ علاقوں میں اجتماعات اور تقریبات پر مکمل پابندی ہوگی۔

نوٹی فکیشن کے مطابق ہاٹ اسپاٹ ایریاز میں ایس او پیز پر سختی سےعمل کرایا جائے گاجبکہ مائیکرو اسمارٹ لاک ڈاؤن والے ایریاز میں ماسک کا استعمال لازمی قرار دیا ہے۔

ڈپٹی کمشنر ضلع شرقی کا کہنا ہے کہ مائیکرو اسمارٹ لاک ڈاؤن 14 جنوری تک نافذ رہے گا۔

یاد رہے کراچی ضلع شرقی میں گلشن اقبال بلاک 7 میں رہائش پذیر ایک ہی خاندان کے گیارہ افراد میں کرونا وائرس کے نئے ویرینٹ اومیکرون کی تصدیق ہوئی تھی، متاثرین میں 8 خواتین اور 3 مرد شامل ہیں۔

ذرائع محکمہ صحت سندھ کے مطابق متاثرہ افراد کی عمریں 26 سے 77 برس کے درمیان ہیں، جب کہ کراچی میں اب تک اومیکرون کے 44 کیسز سامنے آ چکے ہیں۔

Comments

- Advertisement -