The news is by your side.

Advertisement

کراچی کے نئے ضلع کے ڈپٹی کمشنر کا اعلان

کراچی: شہر قائد کے نئے ضلع کے ڈپٹی کمشنر کا اعلان ہو گیا، اٹھارہ گریڈ کے افسر مختیار علی کو ڈپٹی کمشنر کیماڑی تعینات کر دیا گیا۔

تفصیلات کے مطابق چیف سیکریٹری نے نئے ڈپٹی کمشنر مختیار علی کی تعیناتی کا نوٹی فکیشن جاری کر دیا، مختیار علی کو نئے ضلع کیماڑی کا ڈپٹی کمشنر مقرر کیا گیا ہے۔

واضح رہے کہ گزشتہ روز سندھ حکومت نے کراچی کے کمشنراور ایڈمنسٹریٹر افتخار شلوانی کو عہدے سے ہٹا کر لئیق احمد کو کراچی کا نیا ایڈمنسٹریٹر تعینات کیا تھا، جب کہ نوید احمد شیخ کو کمشنر کراچی تعینات کیا گیا تھا۔

گزشتہ روز سندھ بیوروکریسی میں بڑے پیمانے پر تبادلے و تقرریاں کی گئی تھیں، افتخار شلوانی کو محکمہ ایس این جی اے ڈی رپورٹ کرنے کی ہدایت کی گئی، عبدالحلیم شیخ کو سیکریٹری ایکسائز اینڈ ٹیکسیشن کا اضافی چارج دیاگیا، جب کہ سیکریٹری ایکسائز لئیق احمد ایڈمنسٹریٹر بلدیہ عظمیٰ کراچی تعینات کیے گئے۔

تمیز الدین کھیڑو سیکریٹری ٹریننگ اینڈ ریسرچ مقرر کیے گئے، تقرری کے منتظر روشن علی شیخ سیکریٹری محکمہ سماجی بہبود، نوید احمد شیخ کمشنر کراچی، ریاض الدین سیکریٹری محکمہ صنعت و تجارت، سجاد حسین عباسی کو ممبر صوبائی الیکشن اتھارٹی مقرر کیاگیا۔

ڈاکٹر سیف الرحمان کوگورنر سندھ کا پرنسپل سیکریٹری تعینات کیا گیا، سعید منگریجو کو سیکریٹری سروسز، نسیم الغنی سہتو سیکریٹری جنرل ایڈمنسٹریشن، جب کہ محمد نواز شیخ کو چیئرمین وزیر اعلیٰ انسپیکشن ٹیم مقرر کیا گیا۔

Comments

یہ بھی پڑھیں