کراچی: ڈپٹی میئر کراچی سلمان عبداللہ مراد نے جماعت اسلامی کے گمراہ کن پروپیگنڈے کو مسترد کردیا۔
اے آر وائی نیوز کے مطابق ڈپٹی میئر کراچی سلمان عبداللہ مراد نے کہا کہ جماعت اسلامی کے نمائندے جنید مکاتی کی نشاندہی پر مرتضٰی وہاب ان کے علاقے پہنچے۔
ڈپٹی میئر نےکہا کہ میئر کراچی نے جنید مکاتی کی نشاندہی پر ان کے علاقے کا مسئلہ حل کرادیا، حافظ نعیم اپنے علاقائی نمائندوں سے حقائق جان لیتے تو اچھا ہوتا۔
ڈپٹی میئر سلمان مراد نے کہا کہ حافظ نعیم ضدی بچہ نہ بنیں جماعت اسلامی کے چیئرمینز کو کام کرنے دیں، جماعت اسلامی اپنی سیاست میں لسانی ٹچ نہ دیں۔
ڈپٹی میئرکراچی سلمان عبد اللہ مراد کا مزید کہنا تھا کہ حافظ نعیم تعصب کا چشمہ اتار کر دیکھیں تو انھیں ترقیاتی کام نظر آئیں گے۔
Comments
- Advertisement -