The news is by your side.

Advertisement

الیکشن آج ہی ہوں گے نتیجہ آج ہی ہوگا، دوست مزاری

ڈپٹی اسپیکر پنجاب اسمبلی دوست محمد مزاری نے کہا ہے کہ وزیراعلیٰ پنجاب کے انتخاب کیلیے الیکشن آج ہی ہوں گے اور نتیجہ بھی آج ہی ہوگا۔

اے آر وائی نیوز کے مطابق ڈپٹی اسپیکر پنجاب اسمبلی دوست محمد مزاری نے اجلاس کے آغاز سے قبل میڈیا سے گفتگو کی جس میں انہوں نے کہا کہ وزیراعلیٰ پنجاب کیلیے ووٹنگ آج ہی ہوگی اور نتیجہ بھی آج ہی ہوگا۔

ڈپٹی اسپیکر نے کہا کہ کل عدالت نے فیصلہ دیا ہے کہ الیکشن فری اینڈ فیئر کرانا ہے میں فری اینڈ فیئر الیکشن کرانے کی کوشش کرونگا اور یہ الیکشن ہر لحاظ سے صاف وشفاف ہوگا۔

دوست محمد مزاری نے کہا کہ میں نے اسمبلی میں پریشر دینا ہے لینا نہیں ہے، پوری کوشش ہوگی کہ خوش اسلوبی سے یہ عمل مکمل کریں۔

انہوں نے کہا کہ ہوسکتا ہے کہ دونوں طرف سے ماحول ایسا بنے کہ اجلاس ملتوی ہوجائے لیکن واضح کردوں کہ وزیراعلیٰ پنجاب کیلیے ووٹنگ آج ہی ہوگی اور نتیجہ بھی آج ہی ہوگا۔

ڈپٹی اسپیکر دوست محمد نے ایک سوال کے جواب میں کہا کہ میری حمزہ سےملاقات کا کوئی ثبوت ہے تو مجھے دکھا دیں۔

اس موقع پر ڈپٹی اسپیکر نے میڈیا کا شکریہ ادا کرتے ہوئے کہا کہ میڈیا نے پچھلے کئی دنوں سے مثبت کردار ادا کیا ہے میڈیا کے نمائندوں کو اسمبلی الیکشن دیکھنے کا موقع ملے گا۔

Comments

یہ بھی پڑھیں