کراچی کنگز کے کپتان شان مسعود نے کہا ہے کہ تمام کھلاڑیوں نے سخت محنت کی، بدقسمتی سے جیت نہ سکے۔
تفصیلات کے مطابق پاکستان سپر لیگ کے سنسنی خیز مقابلے میں کوئٹہ گلیڈی ایٹر کے مقابلے میں شکست کے بعد کراچی کنگز کے کپتان شان مسعود کا کہنا تھا کہ سخت محنت کے باوجود بدقسمتی سے جیت نہ پائے۔
انھوں نے کہا کہ ہم اچھی پوزیشن میں تھے پر میچ فنش نہ کرسکے، فیلڈ میں کچھ غلطیاں ہوئیں جس کی وجہ سے نتیجہ حق میں نہیں آیا۔
سنسنی خیز میچ کے اختتام کے بعد گفتگو کرتے ہوئے کراچی کنگز کے کپتان نے مزید کہا ہم اختتامی اوورز میں زیادہ اسکور نہیں بنا سکے تھے۔
واضح رہے کہ پی ایس ایل 9 کے 16 ویں میچ میں کوئٹہ گلیڈی ایٹرز نے کراچی کنگز کو سنسنی خیز مقابلے کے بعد 5 وکٹوں سے شکست دے دی۔
کراچی کے نیشنل اسٹیڈیم میں کھیلے گئے میچ میں کوئٹہ نے کراچی کی جانب سے دیا گیا 166 رنز کا ہدف آخری گیند پر حاصل کیا۔
