اسلام آباد : چیئرمین پی ٹی آئی کے سائفر کیس میں 16 اگست کے جوڈیشل ریمانڈ کے حوالے سے تفصیلات سامنے آگئیں،عدالت نے 16 اگست کوچیئرمین پی ٹی آئی کی استدعا مسترد کی تھی۔
تفصیلات کے مطابق چیئرمین پی ٹی آئی کی سائفر کیس میں 16 اگست کے جوڈیشل ریمانڈ کی تفصیلات سامنے آگئیں، ذرائع نے بتایا کہ 15 اگست کوایف آئی اے نےعدالت سے چیئرمین پی ٹی آئی سےتفتیش کی اجازت لی اور دوران تفتیش چیئرمین پی ٹی آئی کو کیس میں ملوث پایا۔3
ذرائع ایف آئی اے کا کہنا تھا کہ 16 اگست کو ایف آئی اے نے چیئرمین پی ٹی آئی کے جسمانی ریمانڈ کی استدعا کی، جس پر عدالت نے 16 اگست کوچیئرمین پی ٹی آئی کی استدعا مسترد کی۔
ذرائع نے کہا کہ چیئرمین پی ٹی آئی کی عدم موجودگی کے باعث جسمانی ریمانڈ کی استدعا مسترد ہوئی اور چیئرمین پی ٹی آئی کا 14روزہ جوڈیشل ریمانڈ منظور ہوا۔
ایف آئی اے کو چیئرمین پی ٹی آئی کے جسمانی ریمانڈ نہ ملنے پر قانونی تحفظات ہیں، اس دوران چیئرمین پی ٹی آئی کے وکلا نے عدالت سے تفصیلات ہی حاصل نہیں کیں۔
چیئرمین پی ٹی آئی نےآج جیل میں بیرسٹر سلمان صفدر سےالگ ملاقات کی، چیئرمین پی ٹی آئی کے 6وکلاآج جیل میں گئے، وکلا نے آج دوران سماعت جوڈیشل ریمانڈ کا معاملہ اٹھایا، چیئرمین پی ٹی آئی نےسائفر کیس میں سلمان صفدر کو لیڈ کونسل مقرر کر دیا۔