عدالت نے توشہ خانہ سے دیے جانے والے تحائف کی تفصیلات طلب کر لی ہیں اور وفاقی حکومت کو 16 جنوری کو تفیصلات فراہم کرنے کا حکم دیا ہے۔
اے آر وائی نیوز کے مطابق لاہور ہائیکورٹ میں توشہ خانہ سے تحائف وصول کرنے کی تفصیلات فراہمی کی درخواست پر سماعت ہوئی۔ جس میں عدالت نے وفاقی حکومت نے سے توشہ خانہ سے دیے جانے والے تحائف کی تفصیلات طلب کرلی ہیں اور حکومت کو 16 جنوری تک یہ تمام تفصیلات فراہم کرنے کا حکم دیا ہے۔
لاہور ہائیکورٹ میں شہری منیر احمد کی جانب سے درخواست دائر کی گئی تھی جس میں قیام پاکستان 1947 سے اب تک توشہ خانہ سے سیاستدانوں سمیت سب کو دیے جانے والے تحائف کی تفصیلات عام کرنے کی استدعا کی گئی تھی
عدالت میں درخواست کی سماعت کے موقع پر وفاقی حکومت نے وکیل نے درخواست کی مخالفت کی جب کہ درخواست گزار کے وکیل نے دلائل دیتے ہوئے کہا کہ جب تحائف دیے گئے ہیں تو اس کی تفصیلات بھی سامنے آنی چاہئیں۔ کے جسٹس عاصم حفیظ نے شہری منیر احمد کی۔
عدالت نے وفاقی حکومت کے وکیل کی استدعا مسترد کرتے ہوئے وفاقی حکومت کو 16 جنوری تک توشہ خانہ سے دیے جانے والے تحائف کی تفصیلات فراہم کرنے کا حکم دیا ہے۔