دبئی: آئی سی سی نے جون کے مہینے کے بہترین کھلاڑی کا اعلان کردیا ہے۔
سال دوہزار اکیس کے آغاز پر انٹرنیشنل کرکٹ کونسل (آئی سی سی)نے کھلاڑیوں کی بہترین پرفارمنس کے پیش نظر نئے ایوارڈز متعارف کرائے تھے، جن میں پلئیرآف دی منتھ ایوارڈ بھی شامل تھا۔
پلئیر آف دی منتھ کا ایوارڈ ووٹنگ کے ذریعے کامیاب ہونے والے کھلاڑی کو دیا جاتا ہے، یہ ایوارڈ مرد اور خواتین دونوں کرکٹرز کی بہترین پرفارمنس پر تفویض کیا جاتا ہے۔
یہ بھی پڑھیں: بنگلہ دیشی وکٹ کیپر نے اہم ایوارڈ اپنے نام کرلیا
گذشتہ ماہ بنگلہ دیش کے وکٹ کیپر بلے باز مشفق الرحیم آئی سی سی پلیئر آف دی منتھ ایوارڈ کے حق دار بنے تھے، اس بار یہ قرعہ نیوزی لینڈ بلے باز ڈیون کونوے کے نام نکلا۔
آئی سی سی نے انہیں یہ ایوارڈ انگلینڈ کے خلاف ٹیسٹ سیریز میں ڈبییو میں ڈبل سینچری بنانے پر دیا گیا، انگلینڈ کے خلاف ٹیسٹ میچ میں نیوزی لینڈ کے اوپنر نے اپنے اولین ٹیسٹ میں سب سے زیادہ رنزبنانے کا ریکارڈ بھی قائم کیا اور ہنری نکلزکے ساتھ ایک سو بائیس رنز کی ناقابل شکست پارٹنرشپ بھی قائم کی۔
