اسلام آباد : ڈی جی ایف آئی اے نے تمام زونل ڈائریکٹرز سے ملک بھر میں سرکاری افسران کیخلاف کیسز کی تفصیلات طلب کرلیں۔
تفصیلات کے مطابق ڈی جی ایف آئی اے نے تمام زونل ڈائریکٹرز کو مراسلہ جاری کردیا ، جس میں کہا ہے کہ تمام اسٹیشنزسرکاری افسران،سیاستدانوں کے حوالے سےتفصیلات دیں۔
مراسلے میں کہا گیا ہے کہ ایف آئی اے کے پاس ملک بھر میں سرکاری افسران کیخلاف کتنے کیسز ہیں، بتایا جائے سیاستدانوں اور سرکاری افسران کیخلاف کتنی انکوائریاں چل رہی ہیں۔
ڈی جی ایف آئی اے نے کہا کہ جو انکوائریز مکمل کی گئیں مقدمات درج کئے گئےان میں کیا پیش رفت ہوئی اور سب سے زیادہ کس وزارت کیخلاف کرپشن کیسز چل رہے ہیں۔
مراسلے کے مطابق سرکاری افسران،سیاستدانوں کو ملاکر ایف آئی اےکےکتنےملزم یامجرم ہیں، جوکیسزچل رہےہیں ان میں اب تک کتنی ریکوری ہوئی۔
ایف آئی اےنےاب تک کتنےسیاستدانوں اورسرکاری افسران کو گرفتار کیا،تمام زونز سےرپورٹ موصول ہونے پر وزارت داخلہ کو بریفنگ دی جائے گی۔
