ڈیرہ غازی خان میں ڈاکٹر نے بچے کا غلط ختنہ کردیا جس کے نتیجے میں بچہ شدید اذیت کا شکار ہوگیا۔
اے آر وائی نیوز کے مطابق افسوسناک واقعہ پنجاب کے ضلع ڈی جی خان کے گاؤں میں پیش آیا جہاں ڈاکٹر نے بچے کا غلط ختنہ کردیا۔
ایک سال کا بچہ عبداللہ غلط ختنہ ہونے کی وجہ سے شدید اذیت کا شکار ہے، بچے کے عمر بھر کے لیے جنسی طور پر معذور ہونے کا خدشہ ہے، ننھا عبداللہ تین بہنوں کا اکلوتا بھائی ہے۔
والد کا کہنا ہے کہ ڈاکٹر نے بیٹے کی زندگی تباہ کردی اور اس کی جانب سے سنگین نتائج کی دھمکیاں دی جارہی ہیں، پولیس ڈاکٹر کو گرفتار کرے۔
واضح رہے کہ اس سے قبل سندھ کے شہر عمرکوٹ کے علاقے سلیم آباد میں 9 سالہ بچہ عطائی ڈاکٹر کی مبینہ غفلت سے جاں بحق ہوگیا تھا۔
بچے کے والد ملک ایوب نے الزام لگایا تھا کہ ڈاکٹر زاہد نے تیز بخار کے باوجود انجکشن لگایا جس سے بچہ جاں بحق ہوگیا، بچے کے انتقال کے بعد ڈاکٹر کلینک کو تالے لگا کر فرار ہوگیا تھا۔
