site
stats
اہم ترین

“شکریہ پاکستان” مہم میں اے آروائی کے ساتھ ہیں، ڈی جی رینجرز

کراچی: ڈی جی رینجرز میجر جنرل بلال اکبر کا کہنا ہے کہ “شکریہ پاکستان” مہم میں اے آروائی کے ساتھ ہیں، اے آر وائی ڈیجیٹل نیٹ ورک کی جانب سے یکم اگست سے شکریہ پاکستان مہم کا آغاز کیا جا رہا ہے۔

تفصیلات کے مطابق کراچی میں چیئرمین اے آر وائی حاجی محمد اقبال سے ڈی جی رینجرز سندھ میجر جنرل بلال اکبر کی ملاقات ہوئی، ملاقات میں ڈی جی رینجر نے 8جولائی کو ایدھی چیرٹی ڈے منانے کی تجویز کا خیر مقدم کرتے ہوئے کہا کہ ایدھی چیرٹی ڈے کی تجویز کی مکمل حمایت کرتے ہیں۔

DG-rangers-post-1

ڈی جی رینجرز نے یوم آزادی کے سلسلے میں اے آروائی کی جانب سے شکریہ پاکستان مہم کو مکمل طور پر سہراتے ہوئے کہا کہ شکریہ پاکستان کے سلسلے میں کی جانیوالی اے آروائی کی کاوشوں کے ساتھ ہیں، یومِ آزادی شایان شان طریقے سے منایا جائے گا۔

DG-rangers-post-2

میجر جنرل بلال اکبر نے مزید کہا کہ پاکستان ہے تو ہم ہیں، یکم سے 14اگست تک ہرسطح پرجشن آزادی کی تقریبات ہوں گی، پاکستان سے محبت کرکے اور ترقی دے کر ہی شکریہ ادا کرسکتے ہیں۔

DG-post-4

یاد رہے کہ اے آر وائی ڈیجیٹل نیٹ ورک کی جانب سے یوم آزادی کے موقع پر پاکستان کا شکریہ ادا کرنے کے لیے شکریہ پاکستان کے عنوان سے مہم کا آغاز کیا جا رہا ہے، جسکے تحت شہر کو قومی پرچموں اور جھنڈیوں سے سجایا جائے گا، یکم اگست سے یوم آزادی تک جاری رہنے والی شکریہ پاکستان مہم کے تحت جشن آزادی شایان شان طریقے اور منفرد انداز میں منائی جائے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top