The news is by your side.

Advertisement

کراچی: وزیر اعلیٰ سندھ اور ڈی جی رینجرز کی ملاقات

کراچی: وزیر اعلیٰ سندھ نے ڈی جی رینجرز سے ملاقات کی ہے، ملاقات کے دوران امن و امان اور کراچی آپریشن سمیت مختلف امور پر گفتگو کی گئی۔

تفصیلات کے مطابق وزیر اعلیٰ سندھ قائم علی شاہ اور ڈی جی رینجرز سندھ میجر جنرل بلال اکبر کے درمیان ملاقات ہوئی، ملاقات میں نیشنل ایکشن پلان اور کراچی آپریشن کی پیش رفت کے بارے میں گفتگو کی گئی۔

ڈی جی رینجرز نے وزیراعلیٰ کو سندھ میں حالیہ گرفتاریوں کے متعلق معلومات دیں اور آگاہ کیا کہ مذکورہ ملزمان کے پکڑے جانے کے بعد جرائم کی شرح میں کمی آئی ہے۔

وزیر اعلیٰ سندھ نے ڈی جی رینجرز کو اس حوالے سے اپنے مکمل تعاون کی یقین دہانی کروائی۔ انہوں نے رینجرز کی کارکردگی کو بھی سراہا۔

وزیر اعلیٰ کا کہنا تھا کہ کراچی شہر میں امن و امان کے لیے رینجرز کا کردار قابل تعریف ہے اور ہم ان کی کوششوں کو قدر کی نگاہ سے دیکھتے ہیں۔

واضح رہے کہ کراچی میں ایک سال سے زائد عرصے سے رینجرز کی جانب سے ٹارگٹڈ آپریشن جاری ہے جس کے نتیجے میں شہر میں امن امان کی صورتحال کافی بہتر ہوئی ہے۔

آپریش کے دوران شہر میں کالعدم تنظیموں، گینگ وار اور سیاسی جماعتوں کی آڑمیں چھپے جرائم پیشہ افراد کے خلاف بلا تفریق کاروائیاں جاری ہیں۔

Comments

comments

یہ بھی پڑھیں