The news is by your side.

یو اے ای میں بچوں کو گاڑی میں تنہا چھوڑنے والے والدین خبردار

ابوظبی: متحدہ عرب امارات میں بچوں کو گاڑی میں تنہا چھوڑنے والے والدین پر جرمانہ عائد کیا جائے گا۔

ابوظبی پولیس نے ایک بار پھر مکینوں کو خبردار کیا ہے کہ وہ بچوں کو گاڑیوں میں بلاوجہ نہ چھوڑ دیں کیونیہ یہ عمل افسوسناک اور مہلک ہو سکتا ہے۔

پولیس ٹریفک اینڈ پیٹرولز ڈائریکٹوریٹ کے ڈائریکٹر کیپٹن محمد حماد العیسائی نے کہا کہ بچوں کو گاڑیوں میں بغیر لاپرواہ چھوڑنا گرمی کے مہینوں میں خاص طور پر خطرناک ہے اور بچوں کے حقوق کے حوالے سے متحدہ عرب امارات کے سخت قانون کے تحت قابل سزا ہے۔

انہوں نے کہا کہ کسی بھی عمر کے بچوں کو گاڑی میں کبھی بھی لاوارث نہیں چھوڑنا چاہیے وہ ناصرف منٹوں میں دم گھٹنے سے موت کے منہ میں جا سکتے ہیں بلکہ وہ ٹرانسمیشن اور کنٹرولز کے ساتھ بھی کھیل سکتے تھے۔

محمد حماد نے مزید کہا کہ بچوں کو لاوارث چھوڑنا قانون کی طرف سے قابل سزا جرم ہے۔

انہوں نے کہا کہ قانون پر عملدرآمد نہ کرنے والے شہریوں پر کم از کم 5 ہزار درہم جرمانہ عائد کیا جائے گا اور اس کے ساتھ جیل کی سزا بھی ہو سکتی ہے۔

Comments

یہ بھی پڑھیں