اسلام آباد: واٹر اینڈ پاور ڈویلیپمنٹ اتھارٹی (واپڈا) نے سال2019 سے متعلق کارکردگی رپورٹ جاری کردی جس میں بتایا گیا ہے کہ رواں برس تاریخی ثابت ہوا، جبکہ دیامر بھاشا ڈیم کی تعمیر کا کام دو ماہ میں شروع ہوگا۔
واپڈا کی جانب سے جاری ہونے والی کارکردگی رپورٹ میں بتایا گیا ہے کہ سال 2019 میں پانی، پن بجلی کے وسائل کی ترقی کےلئےتاریخی سال ثابت ہوا، نیشنل گرڈکو 34 ارب67کروڑ 80 لاکھ یونٹ پن بجلی فراہم کی گئی جو ایک ریکارڈ ہے۔
رپورٹ میں بتایا گیا ہے کہ گزشتہ سال کےمقابلے میں پن بجلی کی پیداوار 6ارب32کروڑ10لاکھ یونٹ اضافی ہوئی، تربیلاچوتھا توسیعی منصوبہ، نیلم جہلم، گولن گول سے بھی پن بجلی پیدا کی گئی۔
مزید پڑھیں: عالمی ماہرین نے دیامیر بھاشا ڈیم سائٹ کلیئر قرار دے دی
واپڈا کی رپورٹ میں بتایا گیا ہے کہ سال 2019میں51سال کےتعطل کے بعد مہمند ڈیم پر تعمیراتی کام کا آغازکیاگیا جبکہ دیامر بھاشا ڈیم کےلئے مشاورتی خدمات،ڈیم پارٹ کی تعمیرکےلئے لگائی جانے والی بولی کی بھی چانچ پڑتال کی گئی۔
رپورٹ میں بتایا گیا ہے کہ دیامربھاشا ڈیم کےمنصوبے پر تعمیراتی کام اگلے 2ماہ میں شروع ہوگا، علاوہ ازیں وزیر اعظم کی جانب سے منظوری ملنے کے بعد سندھ بیراج جیسا منصوبہ بھی جلد شروع کیا جائے گا۔
