قومی ویمن کرکٹر ڈیانا بیگ نے وکٹ لینے کے بعد فاسٹ بولر احسان اللہ کے انداز میں جشن منایا جس کی ویڈیو وائرل ہوگئی۔
ہانگ کانگ میں منعقدہ فیئر بریک ٹی 20 ٹورنامنٹ میں ڈیانا بیگ ٹورنیڈوز ویمن کی نمائندگی کررہی ہیں، ڈیانا نے اپنے دوسرے ہی اوور میں فیکلن ویمن کی کھلاڑی کو کلین بولڈ کیا اور فاسٹ بولر احسان اللہ کے انداز میں جشن منایا۔
ویڈیو میں دیکھا جاسکتا ہے کہ ڈیانا بیگ کو فیلکن ویمن کی کھلاڑی کی وکٹ حاصل کرنے پر ساتھی کھلاڑیوں کی جانب سے مبارک باد دی جارہی ہے۔
An absolute peach 🍑 from the Pakistani quick 🇵🇰 #FBI23 | #FairBreak | #Crickettwitter | @baig_diana pic.twitter.com/mmxyyZOMMi
— FairBreak (@fairbreakglobal) April 3, 2023
فیلکن ویمن نے میچ میں ڈیانا بیگ کی ٹیم ٹورنیڈوز ویمن کو 41 رنز سے شسکت دی۔
واضح رہے کہ سوات سے تعلق رکھنے والے 20 سالہ فاسٹ بولر احسان اللہ نے حال ہی میں افغانستان کے خلاف ٹی 20 سیریز میں ڈیبیو کیا تھا۔
افغانستان کے خلاف تین میچز کی سیریز میں احسان اللہ نے 6 وکٹیں حاصل کی تھیں۔
A bright start to Ihsanullah’s career 🌟#AFGvPAK | #BackTheBoysInGreen pic.twitter.com/KNigx7AOOT
— Pakistan Cricket (@TheRealPCB) March 24, 2023
احسان اللہ کی قومی ٹیم میں شمولیت پی ایس ایل 8 میں شاندار کارکردگی کی بدولت ہوئی جہاں انہوں نے ملتان سلطانز کی نمائندگی کرتے ہوئے 22 وکٹیں حاصل کیں اور دوسرے نمبر پر رہے۔