The news is by your side.

Advertisement

یو اے ای، ڈیزل سے بھرے ٹینکر میں آگ بھڑک اٹھی

دبئی: متحدہ عرب امارات کی ریاست عجمان میں ڈیزل سے بھرے ٹینکر میں آگ بھڑک اٹھی۔

غیرملکی خبررساں ادارے کی رپورٹ کے مطابق متحدہ عرب امارات کی ریاست عجمان میں ڈیزل سے بھڑے ٹینکر میں خوفناک آگ بھڑک اٹھی، ٹینکر میں 10 ہزار گیلن ڈیزل موجود تھا۔

ٹینکر میں آگ لگنے کا واقعہ عجمان ہائی وے شیخ محمد بن زید اسٹریٹ پر پیش آیا جس کے بعد ہائی وے ٹریفک کے لیے بند کردیا گیا تھا۔

عجمان سول ڈیفنس اتھارٹی کے مطابق حادثے کے نتیجے میں کوئی جانی نقصان نہیں ہوا، ٹینکر ڈرائیور نے بروقت چھلانگ لگا کر اپنی جان بچائی۔

مزید پڑھیں: یو اے ای، خوفناک ٹریفک حادثہ، گاڑی میں آگ بھڑک اٹھی

سول ڈیفنس اتھارٹی کے مطابق صبح 9 بجے ایک کال موصول ہوئی جس میں انہیں ڈیزل ٹینکر میں آگ لگنے کی اطلاع دی گئی جس کے بعد قریب موجود الجارف فائر اسٹیشن کی ٹیمیں جائے وقوعہ پر پہنچی اور ٹینکر میں لگی آگ پر قابو پایا۔

رپورٹ کے مطابق ٹینکر میں آگ لگنے کی وجوہات فوری طور پر معلوم نہیں ہوسکی ہیں، عجمان پولیس کی جانب سے آگ لگنے کی وجوہات جاننے کے لیے تحقیقات کا آغاز کردیا گیا ہے۔

fb-share-icon0
Tweet 20

Comments

comments

یہ بھی پڑھیں