اسلام آباد : یوٹیلیٹی اسٹورز اور اوپن مارکیٹ میں ضروری اشیا کی قیمتوں کا فرق بڑی حد تک کم ہوگیا۔
تفصیلات کے مطابق یوٹیلیٹی اسٹورز پر وزیراعظم پیکچ کے تحت بنیادی اشیاء کی قیمتوں میں اضافے کے اثرات نمایاں ہونے لگے۔
یوٹیلیٹی اسٹورز اور اوپن مارکیٹ میں ضروری اشیاکی قیمتوں کا فرق بڑی حد تک کم ہوا۔
دستاویز میں بتایا گیا کہ یوٹیلیٹی اسٹورز پر اوپن مارکیٹ سے چینی فی کلو کا فرق صرف 3.93 روپے رہ گیا، اضافے سے قبل یوٹیلیٹی اسٹورز پرچینی23 روپے15پیسے فی کلو سستی تھی۔
دستاویز میں کہنا ہے کہ یوٹیلیٹی اسٹورز پراوپن مارکیٹ سے فی کلو گھی کا فرق35.04 روپے رہ گیا جبکہ پہلےیوٹیلیٹی اسٹورز پر اوپن مارکیٹ سے فی کلو گھی 110.04روپےسستا تھا۔
اسی طرح یوٹیلیٹی اسٹورز پرآٹے کے20 کلو تھیلےکی قیمت کافرق401.62روپے رہ گیا، اضافے سےقبل یوٹیلیٹی اسٹورزپر 20کلو تھیلا اوپن مارکیٹ سے818.80 روپے سستا تھا۔
یوٹیلیٹی اسٹورز پر یکم جنوری 2023سے بنیادی اشیاکی قیمتیں بڑھا دی گئی تھیں ، قیمتوں میں اضافے سے بی آئی ایس پی مستحقین کو استثنیٰ دیا گیا۔
وزیر اعظم پیکچ کے تحت یوٹیلیٹی اسٹورز پرفی کلو چینی19 روپے مہنگی اور آٹے کا 20 کلو کا تھیلا 496 روپے مہنگا کیا گیا جبکہ گھی کی فی کلو قیمت میں 75 روپے کا اضافہ ہوا۔
