لاہور: پنجاب پولیس کے ڈی آئی جی انویسٹی گیشن کی جانب سے جاری کردہ مراسلے میں افسران و اہلکاروں کی 3 روز سے زائد چھٹی پر پابندی لگا دی گئی۔
تفصیلات کے مطابق ڈی آئی جی انویسٹی گیشن کامران عادل نے انوکھا حکم نامہ جاری کرتے ہوئے افسران و اہلکاروں کی 3 روز سے زائد چھٹی پر پابندی لگا دی۔
ڈی آئی جی کی جانب سے جاری کراسلے میں کہا گیا ہے کہ ایس ایس پیز، ڈویژنل ایس پیز اور اہلکاروں کو 3 دن سے زائد چھٹی نہیں دے سکتے، 3 روز سے زائد چھٹی حاصل کرنے کے لیے ڈی آئی جی انویسٹی گیشن سے اجازت لینا ہوگی۔
مراسلے کے مطابق افسران ڈی آئی جی انویسٹی گیشن کی اجازت کے بغیر کسی کو معطل نہیں کر سکتے۔ حکم نامے پر عملدر آمد نہ کرنے والوں کے خلاف سخت محکمانہ کاروائی ہوگی۔
ذرائع کا کہنا ہے کہ ڈی آئی جی انویسٹی گیشن نے ایک ماہ پہلے مراسلہ جاری کیا جس پر عملدر آمد نہ ہو سکا جس کے بعد انہوں نے ایک بار پھر مراسلہ جاری کر دیا۔
مراسلہ ایس ایس پی انویسٹی گیشن، ایس ایس پی سی آئی اے اور ایس پی انویسٹی گیشنز کو روانہ کیا گیا ہے، حکم نامے پر عملدر آمد نہ کرنے والوں کے خلاف سخت محکمانہ کاروائی ہوگی۔
