بھارتی کرکٹ ٹیم کے سابق لیفٹ آرم اسپنر دلیپ دوشی 77 سال کی عمر میں انتقال کر گئے۔
غیر ملکی میڈیا رپورٹس کے مطابق سابق بھارتی لیفٹ آرم اسپنر دلیپ دوشی کا انتقال دل کی تکلیف کے باعث لندن میں ہوا، جہاں وہ کئی دہائیوں سے مقیم تھے۔
دلیپ دوشی نے بھارت کے لیے 33 ٹیسٹ میچز میں 114 وکٹیں لیں، وہ 83-1982ء میں پاکستان کا دورہ کرنے والی ٹیم کا حصہ تھے۔
دوشی نے 32 سال کی عمر میں ٹیسٹ ڈیبیو کیااور 1980 کی دہائی میں انٹرنیشنل کرکٹ سے ریٹائرمنٹ لے لی، کیونکہ وہ اس وقت ہندوستانی کرکٹ کو چلانے کے طریقے سے متفق نہیں تھے۔
2008 میں کرک انفو کو انٹرویو دیتے ہوئے اُن کا کہنا تھا کہ اسپن بولنگ عقل کی جنگ ہے۔وہ اپنی خصوصیات کو 1981 کے میلبورن ٹیسٹ میں سامنے لائے، جو بھارت نے جیتا تھا۔جس میں انہوں نے پانچ وکٹوں کے ساتھ اہم کردار ادا کیا تھا۔
اس سے قبل احمد آباد طیارہ حادثے میں بھارتی نژاد نوجوان کرکٹر بھی ہلاک ہوگیا تھا۔ حادثے کے 6 دن بعد ہندوستانی نژاد کرکٹر دیرگھ پٹیل کی موت کی خبر سامنے آئی تھی۔
کرکٹر کی عمر 23 سال تھی اور وہ انگلینڈ میں لیڈز کے ایک کلب‘لیڈز ماڈرن کرکٹ کلب’کے لیے کھیلے تھے۔دیرگھ پٹیل لیڈز ماڈرن کلب کے لیے بطور آل راؤنڈر شامل تھے۔
20 میچوں میں 300 سے زیادہ رنز بنانے کے علاوہ انہوں نے 29 وکٹیں بھی لیں۔ لیڈز کلب نے دیرگھ کی موت پر تعزیت کا اظہار کرتے ہوئے کہا،‘ہم اس مشکل وقت میں دیرگھ پٹیل کے خاندان اور جاننے والوں کے ساتھ کھڑے ہیں۔
گجرات کے دیرگھ پٹیل نے انگلستان کی یونیورسٹی آف ہڈرز فیلڈ سے مصنوعی ذہانت میں پوسٹ گریجویٹ ڈگری حاصل کی ہے۔
