بھارت کے معروف پنجابی گلوکار دلجیت دوسانجھ نے بھارت میں کنسرٹ نہ کرنے کا اعلان کردیا۔
گلوکار دلجیت دوسانجھ نے ایک شو کے دوران بھارت میں آئندہ لائیو کنسرٹ نہ کرنے کا اعلان کردیا جس کی ویڈیو بھی سوشل میڈیا پر بھی وائرل ہوگئی ہے۔
ویڈیو میں دیکھا جاسکتا ہے کہ دلجیت دوسانجھ نے دوران شو مداحوں سے کہا کہ میری انتظامیہ سے گزارش ہے کہ شو کا انفرا اسٹرکچر بہتر کریں ورنہ میں آئندہ یہاں کبھی لائیو شو نہیں کروں گا۔
گلوکار نے کہا کہ میں آئندہ کوشش کروں گا کہ مداحوں کے سامنے پرفارم کرسکوں اور اسٹیج مداحوں کے درمیان ہونا چاہیے اگر ایسا نہیں ہوا تو شو نہیں ہوگا جس پر مداحوں نے شور مچا کر ان کی بات کی تائید کی۔
View this post on Instagram
خیال رہے کہ دلجیت دوسانجھ بھارت سے باہر بھی کئی کنسرٹس کر چکے ہیں جس میں ان کے فینز بڑی تعداد میں شرکت کرتے ہیں۔
رپورٹ کے مطابق دلجیت رواں سال مئی سے جولائی کے دوران شمالی امریکا کے کنسرٹس سے 234 کروڑ بھارتی روپے کماچکے ہیں۔
اس کے علاوہ یورپ اور برطانیہ میں بھی دلجیت کے کنسرٹس ہوئے جن کی ٹکٹیں سیکنڈز میں فروخت ہوئیں۔
