عالمی شہرت یافتہ گلوکار دلجیت دوسانجھ اپنے دلومیناتی ٹور سے قبل بڑی مشکل میں پھنس گئے، کانسرٹ کا ٹکٹ حاصل کرنے میں ناکامی کے بعد دہلی سے تعلق رکھنے والی مایوس پرستار نے گلوکار کو قانونی نوٹس بھیج دیا۔
رپورٹس کے مطابق دلبرداشتہ مداح ردھیما کپور دہلی سے تعلق رکھنے والی لاء کی طالبہ ہیں، انہوں نے گلوبل سپر اسٹار اور ان کی ٹیم پر ‘صارفین کے حقوق کی خلاف ورزی’ کرنے کا الزام لگایا ہے۔
انہوں نے پنجابی گلوکار کو قانونی نوٹس بھیجتے ہوئے ٹکٹوں کی فروخت میں بدعنوانی اور منتظمین پر صارفین کے حقوق کی خلاف ورزی کا الزام عائد کیا ہے۔
بھیجے گئے قانونی نوٹس میں اُن کا مؤقف ہے کہ‘دلومیناتی کانسرٹ کے منتظمین نے 12 ستمبر کو دوپہر 1 بجے کنسرٹ لائیو کرنے کا اعلان کرنے کے باوجود، ٹکٹس رات 12:59 پر ہی لائیو ہوگئے، جس کے سبب انہیں کانسرٹ کا ٹکٹ نہیں مل سکا۔
ردھیما کا کہنا تھا کہ انہوں نے دلجیت دوسانجھ کے کانسرٹ میں شرکت کرنے کیلئے خاص طور پر HDFC بینک کا ‘بکزل کارڈ‘ حاصل کیا تھا لیکن اکاؤنٹ سے رقم کاٹنے کے باوجود بھی انہیں ٹکٹ نہ مل سکا۔
’شادیاں ڈر اور مجبوری میں نہیں صرف محبت میں کیں‘
دلبرداشتہ مداح ردھیما کپور نے کہا کہ بینک کی جانب سے کٹوتی کی گئی رقم تو واپس مل چکی ہے، مگر ٹوٹا ہوا دل کس طرح جڑے گا۔
