چیئرمین پاکستان کرکٹ بورڈ رمیز راجا نے انگلینڈ ٹیم کے دورہ پاکستان سے معذرت پر افسوس کا اظہار کرتے ہوئے اسے پاکستان کے لیے ویک اپ کال قرار دے دیا۔
ٹوئٹر پر جاری بیان میں رمیز راجا نے لکھا کہ انگلینڈکےفیصلےسےمایوسی ہوئی، ضرورت کے وقت ساتھ نہ دینے پر افسردہ ہیں۔
انہوں نے کہا کہ ہم اس صورتحال سےبھی نکل جائیں گے پاکستان کیلئے ویک اپ کال ہے کہ دنیاکی نمبرون ٹیم بنے پاکستان بہترین ٹیم بن گئی توکھیلنےکیلئےٹیموں کی لائن لگ جائےگی۔
Disappointed with England, pulling out of their commitment & failing a member of their Cricket fraternity when it needed it most. Survive we will inshallah. A wake up call for Pak team to become the best team in the world for teams to line up to play them without making excuses.
— Ramiz Raja (@iramizraja) September 20, 2021
نیوزی لینڈ کے دورہ منسوخ کرنے کے بعد انگلش کرکٹ بورڈ نے بھی اپنی ٹیمیں پاکستان بھیجنے سے معذرت کرلی
انگلش کرکٹ بورڈ کا کہنا ہے کہ سیکیورٹی اطلاعات پر ٹیم پاکستان نہیں بھیج سکتے۔
ای سی بی کا کہنا ہے کہ کھلاڑیوں اور معاون عملے کی ذہنی اور جسمانی فلاح اولین ترجیح ہے، کھلاڑی کورونا کی وجہ سے ذہنی دباؤ کا شکار ہیں ان پر مزید دباؤ نہیں ڈال سکتے۔
انگلش بورڈ نے کہا کہ یقین ہے پاکستان کے دورے سے ٹی 20 ورلڈ کپ کے لیے تیاری نہیں ہوسکے گی سمجھتے ہیں فیصلے سے پی سی بی کو مایوسی ہوگی۔
ای سی بی حکام کا کہنا ہے کہ یقین ہے پی سی بی نے عالمی کرکٹ کی واپسی کے لیے انتھک محنت کی ہے، فیصلے سے پاکستان میں کرکٹ پر اثرات کے لیے معذرت خواہ ہیں۔
واضح رہے کہ انگلینڈ کی مینز ٹیم کو 13، 14 اکتوبر کو 2 ٹی ٹوینٹی کھیلنا تھے، خواتین ٹیم نے بھی 2 ٹی 20 اور تین ون ڈے میچز پاکستان میں کھیلنا تھے۔
