آئی سی سی نے انڈر19 ورلڈکپ میں عبید شاہ کی بہترین بولنگ کی ویڈیو شیئر کرتے ہوئے انھیں اور نسسیم شاہ کو بیٹرز کے لیے تباہ کن قرار دے دیا۔
پاکستان انڈر19 کرکٹ ٹیم آئی سی سی ورلڈکپ کھیلنے میں مصروف ہے، جہاں نوجوان پاکستانی پیسرز عمدہ بولنگ سے اپنا لوہا منواتے نظر آرہے ہیں۔ قومی ٹیم کے فاسٹ بولر نسیم شاہ کے چھوٹے بھائی بھی اس ایونٹ میں اپنی عمدہ پرفارمنس سے آئی سی سی کی نظروں میں آگئے۔
کرکٹ کی عالمی باڈی نے اپنے آفیشل انسٹا گرام پیج پر نیوزی لینڈ کے خلاف عبید شاہ کی تباہ کن بولنگ کے ساتھ بھائی نسیم شاہ کی وکٹیں اڑانے کی ویڈیو بھی شیئر کی ہے۔
View this post on Instagram
آئی سی سی نے کیپش میں لکھا کہ ’تباہ کن بولنگ کرنے والے بھائی‘۔ اس کے علاوہ آئی سی سی نے عبید کی اور ویڈیو بھی شیئر کی جس میں وہ بیٹر کو کلین بولڈ کرتے نظر آرہے ہیں۔
View this post on Instagram
واضح رہے کہ آئی سی سی انڈر 19 ورلڈکپ میں پاکستان نے کامیابیوں کی ہیٹ ٹرک مکمل کرتے ہوئے نیوزی لینڈ کو 10 وکٹوں سے شکست دی ہے۔
ایسٹ لندن میں کھیلے گئے میچ میں پاکستان نے نیوزی لینڈ کی جانب سے دیا گیا 141 رنز کا ہدف باآسانی 26 ویں اوور میں بغیر کسی نقصان کے حاصل کیا۔
شاہ زیب خان نے 80 رنز کی ناقابل شکست اننگز کھیلی، شامل حسین بھی 54 رنز کے ساتھ ناٹ آؤٹ رہے۔
پاکستان کی جانب سے عبید شاہ اور عرفات منہاس نے تین، تین وکٹیں حاصل کیں، نوید احمد نے دو، محمد ذیشان اور علی اسفند نے ایک، ایک وکٹ حاصل کی۔
