ملک میں گندم درآمد میں نجی شعبے کو نوازے جانے اور غلط فیصلوں سے قومی خزانے کو ایک ارب ڈالر نقصان پہنچانے کا انکشاف ہوا ہے۔
اے آر وائی نیوز کو ذرائع سے ملنے والی اطلاعات کے مطابق پاکستان میں گندم درآمد میں نجی شعبے کو نوازے جانے کا انکشاف ہوا ہے اور ان غلط فیصلوں سے قومی خزانے کو ایک ارب ڈالر نقصان ہوا ہے۔
ذرئع کے مطابق نیشنل فوڈ سیکیورٹی نے وافر مقدار میں گندم ہونے کے باوجود 35 لاکھ 87 ہزار ٹن گندم درآمد کی اجازت مانگی اور ای سی سی نے نجی شعبے کو گندم درآمد کی باقاعدہ منظوری دی۔
- Advertisement -
ذرئع کا کہنا ہے کہ نیشنل فوڈ سیکیورٹی نے پہلے 10 لاکھ ٹن گندم درآمد کرنے کی سمری تیار کی تھی۔
تاہم یکم اپریل 2024 تک 43 لاکھ ٹن گندم حکومت کے پاس تھی اور مارچ میں سندھ میں گندم کی نئی فصل آنے سے گندم درآمد کی ضرورت نہیں تھی۔
