The news is by your side.

Advertisement

پھیپھڑوں کے سرطان کی یہ ابتدائی علامات آپ جانتے ہیں؟

کینسر کی اقسام میں پھیپھڑوں کا کینسر سب مہلک قرار دیا جاتا ہے جس کی ابتدائی مرحلے میں شناخت عموماْ مشکل سے ہوتی ہے۔

کینسر ایک موذی مرض ہے اس کی مختلف اقسام ہیں، اگر کینسر کی ابتدائی مرحلے میں تشخیص ہوجائے تو اس کا علاج ممکن اور زندگی کا تحفظ آسان ہوجاتا ہے۔

کینسر کی اقسام میں پھیپھڑوں کا کینسر سب مہلک قرار دیا جاتا ہے جس کا سب سے زیادہ شکار عادی سگریٹ نوش یا ایسے افراد ہوتے ہیں جو کسی ایسی جگہ کام کرتے ہوں جہاں انہیں نقصان دہ کیمیکلز کا سامنا ہوتا ہو۔

پھیپھڑوں کے کینسر کو سب سے خطرناک اس لیے بھی قرار دیا جاتا ہے کہ ابتدائی مرحلے میں اس کی علامات کو پہچاننا عموماْ مشکل امر ہوتا کیونکہ پھیپھڑوں میں کچھ اعصابی سرے ہوتے ہیں جس کی وجہ سے کینسر کے خلیات کی نشوونما آسان ہوتی ہے اور اس کا شکار افراد کو بظاہر کوئی خاص تکلیف بھی نہیں ہوتی۔

پھیپھڑوں کے سرطان کے اکثر کیسز میں اس کی شناخت آخری درجے میں ہی ہوتی ہے جب مریض کی زندگی بچانا مشکل ہوجاتا ہے۔

یہاں  آپ کو چند ایسی علامات سے آگاہ کیا جارہا ہے جو اس مرض کی ابتدائی مرحلے میں تشخیص اور بروقت علاج شروع کرنے میں معاون ثابت ہوسکتی ہیں۔

مستقل کھانسی:

کھانسی ایک عام مرض ہے اگر یہ چند روز کے لیے ہو تو، سردیوں یا بدلتے موسم میں کھانسی ہونا کوئی انہونی بات نہیں لیکن اگریہ کھانسی دس روز سے زائد وقت تک رہتی ہے تو پھر تشویش کی بات ضرور ہے کیونکہ پھیپھڑوں کے کینسر کی ایک علامت مستقل کھانسی رہنا ہے، ایسے مریض مسلسل کھانستے رہتے ہیں، دائمی کھانسی پھیپھڑوں کے سرطان کی سب سے بڑی علامت ہے۔

سانس پھولنا:

جب کینسر کے خلیے پھیپھڑوں میں تیز رفتاری سے بڑھتے ہیں تو وہ ہوا کی نالیوں کو بند یا تنگ کردیتے ہیں جس سے پھیپھڑوں میں ہوا کا بہاؤ کم ہوجاتا ہے اور ایسے شخص کو جسم کے تمام حصوں تک پہنچانے کے لیے ہوا کی مطلوبہ مقدار میں سانس لینا مشکل ہوجاتا ہے جس سے انسان کو سانس لینے میں دشواری محسوس ہوتی ہے۔

جسم میں درد:

جسم میں درد ہونا ایک عمومی مسئلہ ہے اس لیے اکثر لوگ اسے نظرانداز کردیتے ہیں لیکن جسم میں درد ہونے کی بہت سی وجوہات ہیں۔ یہ زیادہ دیر تک بیٹھنے کے بعد یا بھاری ورزش کے بعد بھی ہوسکتا ہے، پھیپھڑوں کے کینسر میں مبتلا افراد بالخصوص سینے، کاندھوں یا کمر میں درد کی شکایت کرتے ہیں۔

وزن میں کمی اور تھکاوٹ:

مختصر وقت میں اور بغیر کسی خاص وجہ کے جسمانی وزن میں چار کلو یا اس سے زائد کمی صحت سے متعلق تشویش کا اشارہ کرتی ہے، یہ علامت پھیپھڑوں کے کینسر کا سبب بھی ہوسکتی ہے کیونکہ کینسر میں مبتلا افراد جو بھی کھانا کھاتے ہیں اس سے پیدا ہونے والی توانای کینسر کے خلیات استعمال کرتے ہیں جس سے تھکاوٹ اور وزن میں کمی ہوتی ہے۔ اسی لیے وزن میں تبدیلی کو نظرانداز نہیں کرنا چاہیے۔

Comments

یہ بھی پڑھیں