The news is by your side.

Advertisement

شہری کو کرونا ویکسین کی جگہ کتے کے کاٹے کا انجیکشن لگ گیا

لکھیم پور: بھارت کے ایک شہر میں شہری کو کرونا ویکسین کی جگہ ایسا انجیکشن لگ گیا جس نے اس کے رُونگٹے کھڑے کر دیے، شہری کو جب معلوم ہوا کہ اس کو کرونا ویکسین کی جگہ کتے کے کاٹے کا انجیکشن لگ گیا ہے، تب سے وہ پریشان رہنے لگا ہے۔

تفصیلات کے مطابق ریاست اترپردیش کے ضلع لکھیم پور میں طبی عملے نے ایک شہری کو کرونا ویکسین کی بجائے اینٹی ریبیز انجیکشن لگا دیا، شہری شیوم جیسوال کا کہنا تھا کہ وہ کرونا ویکسین کی دوسری ڈوز لینے گئے تھے لیکن کمیونٹی ہیلتھ سینٹر کے عملے نے اینٹی ریبیز انجکشن لگا دیا۔

یہ واقعہ لکھیم پور کھیری کے پھول بیہڑ کمیونٹی ہیلتھ سینٹر میں پیش آیا، جس کی تحقیقات کی جا رہی ہیں۔

کمیونٹی ہیلتھ سینٹر کے سپرنٹنڈنٹ نے شہری کو تسلی دی کہ کتے کے کاٹے کی ویکسین لگوانے سے کوئی سائیڈ ایفیکٹ نہیں ہوگا، اور شیوم کی صحت کو کوئی خطرہ نہیں ہے، یہ انجیکشن ریبیز کے خلاف ان کے لیے ایک احتیاطی ڈوز کے طور پر کام کرے گا، تاہم جب سے شیوم کو کتے کے کاٹنے کا انجکشن لگا ہے، وہ ذہنی طور پر پریشان رہنے لگا ہے۔

انھوں نے وضاحت پیش کی کہ ہیلتھ سینٹر میں جہاں اینٹی ریبیز انجیکشن لگائے جا رہے تھے، اسی قطار میں وہ نوجوان بھی کھڑا تھا، تو انجیکشن لگانے والے ملازم نے اسے بھی اینٹی ریبیز کا انجیکشن لگا دیا۔

Comments

یہ بھی پڑھیں