The news is by your side.

Advertisement

تائیوان: ڈاکٹر نے لڑکی کی آنکھ سے شہد کی زندہ مکھیاں نکال لیں

لڑکی کی آنکھوں سے شہد کی چارزندہ مکھیاں نکالنا اپنی نوعیت کا منفرد واقعہ ہے: سرجن کی گفتگو

تائی پے: تائیوان میں اپنی نوعیت کا انوکھا واقعہ پیش آیا،  جس نے طبی ماہرین کو حیران کر دیا.

تفصیلات کے مطابق ڈاکٹروں نے آپریشن کرکے ایک لڑکی کی آنکھوں سے چار شہد کی مکھیاں‌ نکال لی، آپریشن کرنے والے سرجنز کا کہنا ہے کہ یہ دنیا میں اپنی نوعیت کا منفرد واقعہ ہے۔ اس خبر کو بین الاقوامی توجہ ملی، جسے انٹرنیشنل میڈیا نے بھی کور کیا.

ایک برطانوی اخبار کے مطابق تائیوان کے جنوبی علاقے میں رہائش پذیر ہی نامی 20 سالہ لڑکی ’ہی کو ‘ آنکھوں کی تکلیف میں مبتلا تھی، مگر ابتدائی معاینوں میں بیماری کی تشخیص نہ ہو سکی۔

لڑکی کو فویان یونیورسٹی اسپتال لے جایا گیا جہاں ڈاکٹروں نے معائنے کے بعد بتایا کہ اس کی آنکھوں میں شہد کی مکھیاں ہیں جو آنسوؤں‌ پر گزارہ کر رہی ہیں.

اسپتال کے سرجن ہونگ چی تنگ نے کامیاب آپریشن کرتے ہوئے ہی کی آنکھوں سے چار چھوٹی شہد کی مکھیاں نکالیں۔

آنکھ میں موجود مکھیاں

لڑکی نے بتایا کہ وہ اپنے رشتہ داروں کے ساتھ پہاڑی علاقے گئی تھی، جہاں جھاڑیاں اکھاڑتے ہوئے کوئی چیز اڑ کر اس کی آنکھوں میں گھس گئی۔ اس وقت مجھے لگا کہ شاید یہ گرد ہے۔

سرجن نے اپنی پریس کانفرنس میں کہا کہ لڑکی کی آنکھ میں شہد کی چھوٹی مکھیاں تھیں، جب یہ مکھیاں حرکت کرتیں تو لڑکی کوتکلیف کا احساس ہوتا۔

ڈاکٹر نے بتایا کہ اس قسم کا واقعہ دنیا میں اپنی نوعیت کا پہلا ہے اس سے قبل طب کی تاریخ میں ایسا واقعہ کہیں سننے میں نہیں آیا۔

Comments

comments

یہ بھی پڑھیں