اسلام آباد: ملک بھر میں آوارہ کتوں کے کاٹنے کے کیسز میں مسلسل اضافہ ہو رہا ہے، گزشتہ ہفتے ملک میں کتے کے کاٹے کے 7957 کیسز رپورٹ ہوئے ہیں۔
ذرائع این آئی ایچ کے مطابق پنجاب نے کتے کاٹے کے کیسز میں سندھ کو پیچھے چھوڑ دیا ہے، ملک میں کتے کے کاٹے کے سب سے زیادہ 5 ہزار 259 کیسز پنجاب سے رپورٹ ہوئے، جب کہ گزشتہ ہفتے سندھ میں 1 ہزار 886 شہری آوارہ کتوں کا نشانہ بنے۔
خیبر پختونخوا میں 635، بلوچستان میں 110، آزاد کشمیر میں 66، گلگت بلتستان میں سگ گزیدگی کا 1 کیس رپورٹ ہوا۔
رپورٹ کے مطابق سندھ میں سگ گزیدگی کے سب سے زیادہ 181 کیسز خیرپور سے رپورٹ ہوئے، قمبر میں 169، نوابشاہ میں 164، جیکب آباد میں 163 شہری آوارہ کتوں کا نشانہ بنے، کراچی ویسٹ میں 132، ملیر میں 48، ایسٹ 9، سنٹرل سے ایک سگ گزیدگی کیس رپورٹ ہوا۔
صوابی میں 183، سوات میں 87 شہری، مانسہرہ میں 50، اورکزئی میں 46، لکی مروت میں 44 شہری آوارہ کتوں آوارہ کتوں کے کاٹنے سے زخمی ہوئے۔
