کراچی : ڈالر کے سامنے روپیہ ایک بار پھر تنزلی کا شکار ہے روپے کے مقابلے میں ڈالر کی قیمت میں اضافے کا سلسلہ جاری ہے۔
تفصیلات کے مطابق پاکستانی روپے کے مقابلے میں امریکی ڈالر انٹر بینک میں آج بھی مہنگا ہوگیا، آج کاروبار کے دوران انٹربینک میں ڈالر12 پیسے مہنگا ہوکر 286 روپے 93 پیسے پر بند ہوا جبکہ اوپن مارکیٹ میں ڈالر 305 روپے برقرار ہے۔
Interbank closing #ExchangeRate for today https://t.co/YxVBtYdocn#SBPExchangeRate pic.twitter.com/ARw5xZ1ULW
— SBP (@StateBank_Pak) June 9, 2023
اسٹیٹ بینک آف پاکستان کے ٹویٹر اکاؤنٹ پر جاری کردہ اعداد و شمار کے مطابق رواں ہفتے کے آخری کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں 12 پیسے کا اضافہ دیکھا گیا۔
روپے کی قدر میں 0.04 فیصد کی تنزلی دیکھی گئی، خیال رہے کہ گزشتہ روز ڈالر 286 روپے 81پیسے پر بند ہوا تھا۔