نگراں حکومت کی تمام تر کوششوں کے باوجود پاکستانی روپے کے مقابلے میں امریکی ڈالر کی قیمت میں اضافے کا سلسلہ بدستور جاری ہے، ڈالر قابو سے باہر ہوتا جارہا ہے۔
تفصیلات کے مطابق انٹربینک تبادلہ مارکیٹ میں روپے کے مقابلے میں امریکی ڈالر کی قدر میں آج 52پیسے اضافہ سامنے آیا ہے۔
Interbank closing #ExchangeRate for todayhttps://t.co/03bQFhu6nA#SBPExchangeRate pic.twitter.com/HlXi8EpFyt
— SBP (@StateBank_Pak) November 13, 2023
اسٹیٹ بینک آف پاکستان ( ایس بی پی ) کی جانب سے سماجی رابطے کے پلیٹ فارم ایکس پر جاری کردہ اعداد وشمار کے مطابق کاروباری ہفتے کے پہلے روز انٹر بینک میں ڈالر 52 پیسے کا اضافہ کے بعد 287 روپے 55پیسے پر بند ہوا۔
دوسری جانب اوپن مارکیٹ میں ڈالر 288 روپے سے بڑھ کر 289 روپے میں فروخت ہوا، انٹربینک میں گزشتہ کاروباری روز ڈالر 287 روپے 3 پیسے پر بند ہوا تھا۔
