The news is by your side.

Advertisement

سعودی عرب کی جانب سے معاشی مدد: ڈالر کی قیمت میں کمی

کراچی: سعودی عرب کی جانب سے پاکستان کو 3 ارب ڈالر دینے کی منظوری کے بعد روپے پر دباؤ کم ہوا ہے جس کے بعد ڈالر کی قیمت کم ہو کر 173 روپے پر آگئی۔

تفصیلات کے مطابق انٹر بینک میں ڈالر 1 روپے 42 پیسے سستا ہوگیا، قیمت میں کمی کے بعد ڈالر 175 روپے 27 پیسے سے کم ہو کر 173 روپے 85 پیسے کا ہوگیا۔

یاد رہے کہ ڈالر کی قیمت میں یہ کمی سعودی عرب کے پاکستان کو 3 ارب ڈالر دینے کی منظوری کے بعد ہوئی ہے، سعودی عرب 1.20 ارب ڈالر تیل کی تاخیر سے ادائیگی کی سپورٹ میں بھی دے رہا ہے۔

پاکستان کو سعودی عرب سے 4.20 ارب ڈالر کی سپورٹ ملنے پر روپے پر دباؤ کم ہوا ہے۔

خیال رہے کہ ڈالر کی قدر گزشتہ کچھ روز سے مستقل بڑھ رہی تھی اور گزشتہ روز ڈالر تاریخ کی بلند ترین سطح 175 روپے 27 پیسے پر پہنچ گیا تھا۔

Comments

یہ بھی پڑھیں