جمعے کو انٹربینک کے بعد اوپن مارکیٹ میں بھی 50 پیسے مہنگا ہونے کے بعد ملکی تاریخ کی بلند ترین سطح پر پہنچ گیا۔
ملک میں امریکی ڈالر کی اونچی اڑان جاری ہے، جمعے کے روز انٹر بینک کے بعد اوپن مارکیٹ میں بھی ڈالر 50 پیسے مہنگا ہوگیا۔
ڈالر کی قیمت میں نئے اضافے کے بعد اوپن مارکیٹ میں ملکی تاریخ کی بلند ترین سطح 185 روپے 50 پیسے پہنچ گیا ہے۔
اوپن مارکیٹ میں یورو کی قیمت 50 پیسے کمی واقع ہوئی جس کے بعد یورو 202.50 روپے کا ہوگیا جبکہ برطانوی پاؤنڈ کی قیمت مستحکم رہی اور برطانوی پاؤنڈ 240.50 روپے پر برقرار رہا۔
اوپن مارکیٹ میں امارتی درہم کی قیمت میں5 پیسے اور سعودی ریال میں 15 پیسے کا اضافہ ہوا جس کے بعد دونوں غیر ملکی کرنسیوں کی قیمت بڑھ کر بالترتیب 50.35 روپے اور49.10 روپے ہوگئی۔
