The news is by your side.

Advertisement

بھارتی شہریوں کے بہیمانہ تشدد سے ڈولفن ہلاک

نئی دہلی : بھارتی شہریوں نے بے زبان جانوروں پر بھی ظلم و ستم شروع کردئیے، پرتاپ گڑھ میں ڈولفن کو کلہاڑی اور ڈنڈوں سے پیٹ پیٹ کر قتل کرنے کی ویڈیو وائرل ہوگئی۔

غیر ملکی خبر رساں ادارے کی رپورٹ کے مطابق سفاکیت کی یہ کہانی بھارتی ریاست اترپردیش کے شہر پرتاپ گڑھ میں سامنے آئی جہاں ندی میں بہہ کر آنے والی ڈولفن کو کچھ نوجوانوں نے ڈنڈوں اور کلہاڑیوں کے وار موت کے گھاٹ اتار دیا۔

میڈیا رپورٹس میں بتایا گیا ہے کہ حادثے کی ویڈیو سوشل میڈیا پر وائرل ہوئی تو پولیس نے واقعے میں ملوث تین نوجوانوں کو گرفتار کرلیا۔

میڈیا ذرائع کا کہنا ہے کہ یہ واقعہ 31 دسمبر کو پیش آیا تھا، جس کی ویڈیو میں ڈولفن کو بری طرح تشدد کا نشانہ بناتے ہوئے دیکھا جاسکتا ہے۔

بھارتی میڈیا کا کہنا ہے کہ یہ ڈولفن گنگا کی ڈولفن ہے جو معودمی کے خطرے سے دوچار ہے، اسی لیے وائلڈ لائف قانون کے تحت اسے مارنا جرم ہے۔

Comments

یہ بھی پڑھیں