میلبرن: سربین ٹینس اسٹار اور ورلڈ نمبر ون نوواک جوکووچ نے رافیل نڈال کو ہراکر آسٹریلین اوپن کا ٹائٹل جیت لیا۔
تفصیلات کے مطابق سربین ٹینس اسٹار اور ورلڈ نمبر ون نوواک جوکووچ نے رافیل نڈال کو ہراکر آسٹریلین اوپن کا ٹٓائٹل اپنے نام کرلیا، جوکووچ نے ریکارڈ 7ویں بار آسٹریلین اوپن اپنے نام کیا ہے۔
عالمی نمبر ایک جوکووچ نے مجموعی طور پر 15 گرینڈ سلم ٹائٹل اپنے نام کرلیے، سربین اسٹار نے فائنل میں حریف نڈال کو اسٹریٹ سیٹس میں شکست دی۔
نوواک جوکووچ کی جیت کا اسکور 6-3، 6-2 اور 6-3 رہا، سربین اسٹار نے اسپین کے نڈال کو صرف 2 گھنٹے چار منٹ میں اسٹریٹ سیٹس میں ہرایا۔
— Novak Djokovic (@DjokerNole) January 27, 2019
نوواک جوکووچ نے جیت کے بعد میڈیا سے گفتگو کرتے ہوئے کہا کہ ساتویں بار آسٹریلین اوپن کا ٹائٹل جیت کر خوشی ہورہی ہے اس کے لیے سخت محنت کی، انجری سے چھٹکارا پاکر دوبارہ واپس آنا کافی مشکل تھا۔
دوسری جانب نڈال نے کہا کہ آج فائنل میں ایک راؤنڈ بھی نہیں جیت سکا، آج کی رات میرے لیے اچھی نہیں تھی، جوکووچ نے مجھ سے اچھا کھیل پیش کیا اور وہ جیت کے حق دار تھے۔
Legendary 🏆#AusOpen pic.twitter.com/Zv4zHH7jbP
— #AusOpen (@AustralianOpen) January 27, 2019
واضح رہے کہ گزشتہ روز آسٹریلین اوپن کے ویمن فائنل میں جاپان کی ناؤمی اوساکا نے جمہوریہ چیک کی پیٹرا کویٹوا کو شکست دے کر پہلی بار آسٹریلین اوپن کا ٹائٹل جیتا تھا اور عالمی نمبر ایک بن گئی تھیں۔
A trip to the beach with @Naomi_Osaka_ & Daphne 😘🏆#AusOpen pic.twitter.com/j8HMlsNwUz
— #AusOpen (@AustralianOpen) January 27, 2019
دونوں کھلاڑیوں کے درمیان سنسنی خیز مقابلہ ہوا، اوساکا نے پہلا سیٹ 7-6 سے جیتا، کویٹوا نے کم بیک کرتے ہوئے دوسرا سیٹ 7-5 سے اپنے نام کیا، تیسرے سیٹ میں اوساکا نے جارحانہ کھیل پیش کرتے ہوئے 7-6 سے کامیابی حاصل کی اور پہلی بار آسٹریلین اوپن ٹینس کا ٹائٹل اپنے نام کرلیا۔
