سابق امریکی صدر ڈونلڈ ٹرمپ کا جوتوں کا برانڈ صارفین کی توجہ کا مرکز بن گیا۔
غیر ملکی میڈیا کے مطابق سابق امریکی صدر ٹرمپ نے اپنی ایک کمپنی کی جانب سے متعارف کروائے گئے ان جوتوں کو ’دی گریٹیسٹ اسنیکرز شو آن ارتھ‘ قرار دیا ہے۔
سابق امریکی صدر ٹرمپ کی کمپنی کی جانب سے متعارف کروائے گئے ان جوتوں کی قیمت 399 ڈالر ہے اور ویب سائٹ کے ذریعے ان کی فروخت سلسلہ شروع ہوچکا ہے۔
امریکی میڈیا کا اس حوالے سے کہنا ہے کہ ڈونلڈ ٹرمپ نے فلاڈلفیا کے کنونشن سینٹر میں سنہرے جوتوں کی جوڑی متعارف کرائی جن پر امریکی پرچم کی تفصیل بھی لکھی ہوئی ہے۔
واضح رہے کہ گزشتہ روز سول فراڈ کیس میں نیویارک کی عدالت نے ڈونلڈ ٹرمپ کو 35 کروڑ 50 لاکھ ڈالر جرمانے کی سزا سنائی تھی۔
ٹرمپ کو فراڈ کیس میں ساڑھے 35 کروڑ ڈالر جرمانہ ادا کرنے کا حکم جاری کیا گیا، ٹرمپ پر اپنی کمپنیوں کے ذریعے کاروبار کرنے پر بھی 3 سال کی پابندی عائد کردی گئی۔
نیویارک کی عدالت نے فراڈ کیس میں ٹرمپ کے 2 بیٹوں پر بھی جرمانے عائد کیے ہیں، ٹرمپ کے وکلا نے فراڈ کیس میں جرمانے کیخلاف اپیلیٹ کورٹ میں جانیکا فیصلہ کیا۔
برازیلی صدر کے بیان پر اسرائیل کا سخت ردِ عمل
سابق امریکی صدر ڈونلڈ ٹرمپ نے ویڈیو بیان میں عدالتی فیصلے کو بائیڈن انتظامیہ کی انتقامی کارروائی قرار دیا ہے۔
