The news is by your side.

Advertisement

ریپبلکن صدارتی امیدوار ڈونلڈ ٹرمپ کا مسلم مخالف بیان پر یوٹرن

ایڈن برگ: امریکی صدارتی نامزدگی کے ریپبلکن امیدوار ڈونلڈ ٹرمپ نے مسلمانوں کے حوالے سے اپنے رویے میں نرمی اختیار کرلی.

امریکی ٹی وی سی این این کی رپورٹ کے مطابق ڈونلڈ ٹرمپ نے یو ٹرن لیتے ہوئے مسلمانوں کے امریکا میں داخلے پر پابندی کا بیان واپس لے لیا.

ریپبلکن امیدوار ڈونلڈ ٹرمپ کی خاتون ترجمان ہوپ ہکس نے اپنے انٹرویو میں مسلمانوں کے حوالے سے ٹرمپ کے متنازع بیان کی وضاحت کرتے ہوئے کہا کہ وہ تمام مسلمانوں کے خلاف نہیں بلکہ صرف ‘دہشت گرد ریاستوں’ سے تعلق رکھنے والوں کی امریکی آمد کے خلاف ہیں.

ڈونلڈ ٹرمپ نے اپنے رویے میں مزید نرمی لاتے ہوئے بیان دیا ہے کہ وہ ان ممالک سے بھی مسلمانوں کوامریکا آمد کی اجازت دینے پر غور کریں گے جہاں دہشت گرد سرگرمیاں جاری ہیں تاہم ان افراد کو سخت اسکروٹنی سے گزرنا ہوگا.

یاد رہے کہ ڈونلڈ ٹرمپ کی انتخابی مہم شروع ہونےسے اب تک مسلمانوں کےخلاف بیان بازی سے بھری پڑی ہے،7دسمبر 2015 کو سین برنارڈینو حملے کے بعد انہوں نے مسلمانوں کے امریکا میں داخلے پر مکمل پابندی کا مطالبہ کیا تھا.

واضح رہے کہ تیرہ جون کو اورلینڈو حملے کے بعد بھی انہوں نے دہشت گردوں کے امریکا داخلے پر پابندی کی بات کی لیکن اس بارانہوں نے اس بار مسلمانوں کا نام نہیں لیا تھا.

Print Friendly, PDF & Email

Comments

comments

یہ بھی پڑھیں