کراچی میں عوام کو درپیش مسائل میں سے ایک عوامی ٹرانسپورٹ کی کمی ہے یہ کمی دور کرنے کیلیے جلد ڈبل ڈیکر بسیں بھی آ رہی ہیں۔
پاکستان کا سب سے بڑا اور تیزی سے ترقی کرتا شہر کراچی جس کا ماضی میں مقابلہ دنیا کے دیگر ترقی یافتہ شہروں سے کیا جاتا تھا۔ پاکستان کے پہلے دارالخلافہ میں کبھی سرکلر ریلوے، ٹرام سروس اور ڈبل ڈیکر بسیں بھی چلتی تھیں.
تاہم وقت کی گرد اور نا قدری کے باعث آہستہ آہستہ ملک کے سب سے بڑے شہر کے عوام سے یہ ٹرانسپورٹ سہولتیں چھین لی گئیں۔ تاہم خوشخبری ہے کہ ڈبل ڈیکر بسیں ایک بار پھر کراچی کی سڑکوں پر دوڑتی نظر آئیں گی۔
سندھ حکومت کے وزیر اطلاعات اور ٹرانسپورٹ شرجیل انعام میمن نے آج پریس کانفرنس کرتے ہوئے کراچی کے عوام کو خوشخبری دی ہے کہ اگلے ماہ کراچی کے لیے ڈبل ڈیکر بسیں آ رہی ہیں۔
شرجیل میمن نے کہا کہ سندھ حکومت نے کراچی کے عوام کی سہولت کیلیے بس سروس شروع کی گئی اور ٹرانسپورٹ میں پہلا پراجیکٹ پنک بس کا شروع کیا۔ اب ہم پنک ٹیکسی سروس بھی شروع کرنےجا رہے ہیں۔
’’سیلاب متاثرین کو 21 لاکھ مفت گھر دینے، خواتین کو ہر سال پنک اسکوٹی دینے کے اعلانات‘‘
